2. Mose 7:9 - O Debleskro Drom 2021 (Sinte)

⁹ “Te rakrell o Farao ap tumende un penell: ‘Krenn jek baro koowa an o Debleskri soor, jaake te patsap tumen’, palle peness tu ap o Aron: ‘Le tiro kasht un witse les glan o Farao!’ Palle well o kasht i sap.”

O Debleskro Lab 2024 (Sinte-Manouche)

⁹ “Te rakrell o Farao ap t'mende oun penell: Krenn yek baro koova an o Debleskri zoor, yaake te patsap t'men, palle peness tou ap o Aron: Le tiro kasht oun vitse les glan o Farao! Palle vell o kasht i sap.”

2. Mose 7:9 ပူးပေါင်းရင်းမြစ်များ

2. Mose 10:13

Un o Mose hadas peskro kasht pral o them Egiptia. Kote mukas o baro Dewel ko tselo diwes un i tseli rat jek sorelo ducho pral o them te phurdell, hoi was katar, kai o kham pre djal. Un taissarlakro phurdas ko ducho i stepangre an o them.

2. Mose 4:17

Un kau kasht le an tiro wast! Koleha kress tu ko baro koowa.”

2. Mose 4:2

Penell o baro Dewel ap o Mose: “Hoi hi tut kote an o wast?” “Jek kotar kasht”, penell o Mose.

2. Mose 4:20

Kote las o Mose peskri romjat un peskre tchawen, un tchiwas len ap i burika. Un jon djan an o them Egiptia. Un o Debleskro kasht las job peha.

2. Mose 4:3

“Witse o kasht ap i phub”, penell leske o baro Dewel. Un o Mose witsras o kasht ap i phub. Koi was o kasht jek djido sap. Un i darjatar nashas o Mose peske.

2. Mose 7:8

Un o baro Dewel penas ap o Mose un ap o Aron:

2. Mose 9:23

Kote hadas o Mose peskro kasht pre ap o bolepen. Un o baro Dewel mukas barrengro brishin ap i phub te perell. Un o bolepen das bari gole, un das jag karje pral un tele ap i phub. Ko brishin, kai jag pral un tele karje das, un brishineskre barra ap i phub peran, kowa his jaake pharo, har gomme gar das, jaake rah har i menshe an o them Egiptia djiwenna.

Jesaja 7:11

“Mange mandar, tiro baro Deblestar, i sikepen! Muk man te krap tchomone an o mulengro them oder an o bolepen, hoi tut sikrell, te well kowa jaake har penom!”

Ezekiel 29:3

Pen leske: Kawa penell o baro Dewel, maro rai: Tu Farao, baro rai pral Egiptia, kanna sikrau les tuke! Tu hal har i baro tchilatcho viecho tchiddo an tire bare lengste panja, un peneh: “Ko baro lengsto pani hi miro. Mange krom les.”

Mateo 12:39

Kote penas lo ap lende: Har tchilatcho hi kol menshe, kai djiwenn an kau tsiro. Jon mukan o Debles, un kamenn i baro Debleskro koowa te dikell. Un o Dewel sikrell len tchi wawar har kowa, hoi i menshe ninna ap o Debleskro rakepaskro, o Jona, dikan.

Johanni 10:38

Te krau me, hoi o dad mange penas, patsenn ap kowa, hoi me krau! Jaake dikenn un prindjrenn tumer, kai o dad an mande hi un me an leste.”

Johanni 2:18

Kol pralstune bibolde putchan lestar: “Hawo baro koowa kreh tu menge an o Debleskri soor, te djinas mer, kai tut o tchatchepen hi, te kress kowa?”

Johanni 6:30

Penan jon: “Kre menge i baro koowa an o Debleskri soor, te patsas mer ap tute! Sike men, hoi tu haiweh!