2. Mose 7:20 - O Debleskro Drom 2021 (Sinte)

²⁰ Un o Mose un o Aron kran jaake, har o baro Dewel lenge penas. Un job hadas o kasht un das ap o pani Nil. Un o Farao un i pralstune an leskro kheer dikan kowa. Un o tselo pani an o Nil was rat.

O Debleskro Lab 2024 (Sinte-Manouche)

²⁰ Oun o Mose oun o Aron kran yaake, har o baro Devel lenge penas. Oun yob hadas o kasht oun das ap o pani Nil. Oun o Farao oun i pralstoune an leskro kheer dikan kova. Oun o tselo pani an o Nil vas rat.

2. Mose 7:20 ပူးပေါင်းရင်းမြစ်များ

2. Rajengro liil 4:29

O Elisa penas ap o Gehasi: “Tchip tiro pereskri dori trul tute, un le miro lengsto kasht an tiro wast, un dja an Shunem! Te tapreh jekes ap o drom, atch gar tardo, te rakress leha! Un te kamell jek tuha te rakrell, le tuke kek tsiro leske! Un tchip miro lengsto kasht ap ko tchaweskro mui!”

Debleskri gili 105:29

Job kras rat dran i tsele panja i Egiptarendar, un mukas i matche kote dren te merell.

Debleskri gili 78:44

Kote kras lo, te was o pani an o Nil rat, te nai pijan i Egiptarja gar dran pengre panja.

2. Mose 4:9

Un te patsenn le tut pale gar, ninna te dikan le ko baro koowa, hoi krom o kashteha un o wasteha, un shunenn gar koi pre, hoi tu lenge peneh, palle le pani dran o Nil, un tchore o pani ap i phub! Palle well ko pani rat.”

2. Mose 7:10

Kote djan o Mose un o Aron pash o Farao dren, un kran les jaake, har o baro Dewel lenge penas. Un o Aron witsras peskro kasht ap i phub glan o Farao un glan kol pralstunende an o rajeskro kheer. Un o kasht was i sap.

2. Mose 7:21

Un i matche an o Nil meran. Un o Nil was khandlo un khandas jaake soreles, te nai pijas kek Egiptari o pani dran o Nil. Un o rat his an o tselo them Egiptia.

2. Mose 7:6

Un o Mose un o Aron kran jaake, har o baro Dewel lenge penas.

Habakuk 3:8

Baro Dewel, his tut i choli ap i sorele panja? Wal tu chojedo pral o baro pani, har klissal tu win tire grajentsa, un tire kurepangre wurdja sorleder his har hake wawar?

Debleskro tsiro 8:8

Un o duito bolepaskro phurdas an peskri phurdepaskri. Koi was i bari kotar bar, hoi chatchella, an o baro pani witsedo. Un o triinto kotar o tselo baro panjestar was har o rat.