2. Mose 7:11 - O Debleskro Drom 2021 (Sinte)

¹¹ Kote mukas o Farao i gosewe murshen un i durkepangren gole te dell. Un kol egiptikre durkepangre kran emligo koowa an pengri soor.

O Debleskro Lab 2024 (Sinte-Manouche)

¹¹ Kote moukas o Farao i goseve morshen oun i dourkepangren gole te dell. Oun kol egiptikre dourkepangre kran emligo koova an pengri zoor.

2. Mose 7:11 ပူးပေါင်းရင်းမြစ်များ

1. Mose 41:8

Taissarlakro daras job. Un job mukas i tsele durkepangre un gosewe an o them Egiptia te kharell. Un o baro rai penas lenge, hoi job suni das. Un kek his koi, kai penell nashte, hoi koi suni leske penella.

2. Mose 7:12

Jon witsran ninna pengre kashta ap i phub. Un ninna lendar wan sapa. O Aroneskro kasht chas ko wawar kashta pre.

2. Mose 7:22

Un i durkepangre an o them Egiptia kran ninna jaake an pengri soor. Un o Faraeskro dji atchas pale pandlo, un job shunas gar ap lende. Jaake was, hoi o baro Dewel penas.

2. Mose 8:18

Ap ko diwes krau kowa an ko them Gosen, kai mire menshe djiwenna, wawartchandes. Kote wenn kek matsille, hoi tchurje denn. Jaake te dikess un te haiwess, te hom me o baro Dewel kate an kau them.

2. Mose 8:3

Koi wan i durkepangre un kran pengri sorjah ninna jaake, un mukan ninna djambe pral o them Egiptia te well.

2. Mose 8:7

Un i djambe hunte djan penge tutar un dran tiro kheer, ninna dran i khera kol pralstunendar un tire tsele menshendar. Kokres an o Nil atchenn le pral.”

Daniel 2:2

Un o baro rai mukas khetne te kharell i tsele durkepangren un drawepangren, kolen, kai bengeskro koowa krenn un kolen, kai an i bolepangre momlia drawerenn. Jon hunte penan leske, hoi leskri suni kamell te penell. Un jon wan un his tardo glan leste.

Daniel 2:27

Un o Daniel penas ap o baro rajeste: “Kowa, hoi tu kameh te djinell, miro rai, kowa nai penell tuke kek siklo, kek drawepaskro, kek durkepaskro un kek, kai nai drawerell an i bolepangre momlia.

Daniel 4:6

“Beltsazar, tu pralstuno pral i tsele siklende, djinau, te hi o ducho i bolepangre deblendar an tute, un tuke hi tchi khatedo. Jaake pen mange, hoi miri suni kamell te penell!”

Daniel 5:11

Koi hi i mursh an tiro them, an koleste hi o ducho i bolepangre deblendar. An kol diwessa, har tiro dad o baro rai his, sikras pes, kai an leste jaake bud goswepen hi har i deblen hi. Job haiwell un djinell, hoi kek wawar haiwell un djinell. Un tiro dad Nebukadnezar tchiwas les pral i tsele durkepangre un drawepangre un pral kolende, kai an i bolepangre momlia drawerenn, un kai i mulen putchenn.

Daniel 5:7

Un o baro rai das sorjah gole un penas, te anenn le i drawepangren pash leste, ninna kolen, kai an i bolepangre momlia drawerenn un kolen, kai i mulen putchenn. Un job mukas kol siklenge dran o foro Babilon te penell: “Hakeno, kai nai drawerella, hoi koi tchinlo hi, un mange nai penella, hoi kowa kharella, kowa well rido an rajengre lole koola, un lell koi pashel i sonakaskri werkli trul peskri meen. Un job well o triinto pralstuno an miro them.”

Mateo 24:24

Bud chochene mursha penenn ap tumende: Me hom ko baro rai, kolestar o Dewel penas, te well job. Un chochene rakepangre penenna: Me hom o Debleskro bitchedo. Un jon krenna baro un sorelo koowa, hoi i mensho nashte krell gar dran peskri soor. Kowa krenn le, te anenn le i menshen o tchatcho dromestar tele. Te djals kowa, anans le ninna kolen o Debleskro dromestar tele, kolen o Dewel peske win rodas.

Galatarja 3:1

Hoske kamenn tumer patsle an Galatia kowa gar te haiwell? Koon kras tumenge dinelo? Tumenge was o Jesuseskro merepen ap o trushel jaake penlo, har te dikans kowa tumare jakentsa!

Efesarja 4:14

Palle ham buder gar har tikne tchawe, kai lauter patsenna, kau diwes jaake un ko wawar diwes wawartchandes. Un mer shunah buder gar ap kolende, kai chochenna, un kamenn men o tchatcho dromestar tele te anell.

2. Tessalonikarja 2:9

Ap ko tsiro, kai well o tchilatcho mensho, lell lo peskri soor o bengestar, un krell bud chocheno baro un sorelo koowa.

2. Timoteo 3:8

Glan rah tsiro shunan o Jannes un o Jambres gar ap o Moseste. Jaake shunenn kol menshe witar gar ap o tchatchepen. Jon hi nasselo an o shero, un lengro patsepen hi tchi moldo.

2. Timoteo 3:9

An i tikno tsiro dikella hakeno, kai kowa dinlepen hi, hoi jon krenna, har kowa ninna pash kolla dui murshende was.

Debleskro tsiro 19:20

Un ko viecho was tapedo, ninna leskro chocheno rakepaskro. Ko rakepaskro kras bud baro koowa, un anas kolen ap o bengeskro drom, kai o viecheskro lab ap pende lan, un ko vieches an-mangan, hoi i menshendar kerdo was. Un djides wan kol dui an i bari jag witsedo, hoi soreles chatchella un khandella.

1. Samuel 6:2

Un i Filistarja dan pengre rashajen un durkepangren gole, un putchan lendar: “Hoi kras mer ko mochtoneha o baro Deblestar? Har bitchras les pale kote kai lo was?”