2. Mose 6:26 - O Debleskro Drom 2021 (Sinte)

²⁶ Kowa Aron un kowa Mose hi kolla, ap kolende o baro Dewel penas: “Anenn i Israelitarja win dran o them Egiptia! Anenn len jaake win, te djal haki bari familja khetne!”

O Debleskro Lab 2024 (Sinte-Manouche)

²⁶ Kova Aron oun kova Mose hi kolla, ap kolende o baro Devel penas: “Anenn i Israelitarya vin dran o them Egiptia! Anenn len yaake vin, te djal haki bari familya khetne!”

2. Mose 6:26 ပူးပေါင်းရင်းမြစ်များ

1. Mose 2:1

Jaake was o bolepen un i phub kerdo, un halauter, hoi koi hi.

1. Familjakro liil 6:3

O Kohat, leskre tchawe his: o Amram un o Jizhar un o Hebron un o Usijel.

Debleskri gili 77:20

Tu djal mashkral o baro pani. Tire herja djan an o telstuno pani. Un kek nai dikas, kai tire herja stakran.

Debleskri gili 99:6

O Mose un o Aron his leskre rashaja, un o Samuel his mank kolende, kai les an-mangan. Jon dan ap o baro Debleste gole, un job shunas len.

2. Mose 12:17

Rikrenn tumen ap kal laba: An kol efta diwessa chan tumer maro, kai kek shutlo jarro dren hi. Ap kau diwes lom me tumen lauteren dran o them Egiptia win. Doleske rikrenn tumen ap kawa, un krenn kowa hako bersh, tumer un tumare tchawe, kai wenna pal tumende hako tsiro.

2. Mose 12:41

Un har kal bersha trujel his, ap ko diwes, djan o baro Debleskre menshe win dran o them Egiptia.

2. Mose 12:51

Un ap kau diwes anas o baro Dewel i tsele Israeleskre familjen win dran o them Egiptia, jek familja pal i wawar.

2. Mose 13:18

Doleske mukas lo len i baro drom trul o Filistarengro them te djal. Ko drom anas len an o mulo tato them pash ko baro pani, hoi kharella ‘Baro Lolo Pani’. Un i Israelitarja djan penge dran o them Egiptia jaake har te djan le an o kurepen.

2. Mose 20:2

Me, o baro Dewel, hom tiro Dewel, koon tut win las dran o them Egiptia, kai tu i pandlo budepaskro hals.

2. Mose 32:1

Har dikan i menshe, kai o Mose i rah tsiro krik atchas, un gar buder koi berga tele was, wan le khetne pash o Aron un penan ap leste: “Dja, kre menge i dewel, kai djal glan mende! Mer djinah gar, hoi ko Moseha djas, kai anas men dran o them Egiptia win.”

2. Mose 32:11

O Mose mangas o baro Debles, kai leskro Dewel his, un penas: “Baro Dewel, tiro sorelo wasteha anal tu tire menshen dran o them Egiptia win, un sikral tiri tseli soor. Hoske kameh tu len kanna an tiri choli temerl te dell?

2. Mose 32:7

O baro Dewel rakras ap o Mose: “Naash, dja tele, tire menshe, kai tu dran o them Egiptia win anal, kran djungelo koowa.

2. Mose 6:13

Un o baro Dewel rakras ap o Moseste un ap o Aroneste un bitchras len pash i Israelitarja un pash o Farao, ko baro rai pral o them Egiptia, te mukell lo i Israelitarjen dran o them Egiptia te djal.

2. Mose 6:20

Un o Amram las peske i romni, i Jochebed, i pheen leskro dadestar. Un koja las dui tchawe: o Aron un o Mose. Un o Amram was 137 (sheel-te-trijanda-te-efta) bersha phuro.

2. Mose 6:7

Kamau, te wenn tumer mire menshe, un me kamau tumaro Dewel te well. Un tumer dikenn un haiwenn, te hom me, o baro Dewel, tumaro Dewel, kai las tumen win dran i phari budi, hoi i Egiptarja ap tumende tchiwan.

2. Mose 7:4

Un o Farao shunella gar ap tumende, ninna te well miri choli bud kope pral leste un leskro them. Un palle lau mire menshen, i Israelitarja, win dran o them Egiptia.

Micha 6:4

Me hom kowa, kai anas tumen dran o them Egiptia win, kai hans pandle budepangre. Me dom tumen o Mose, o Aron un i Mirjam, te djan le glan tumende.

4. Mose 33:1

Kalla hi kol platse, kai tchiwan i Israelitarja pengre plachtene khera pre, har djan le win dran o them Egiptia pengre lurdentsa. Wi las len o Mose un o Aron.

Josua 24:5

Pal bud tsiro bitchrom o Mose un o Aron pash lende, un anom bari bibacht pral o them Egiptia koweha, hoi krom kote. Pal kowa lom tumare phuren dran o them Egiptia win.

1. Samuel 12:6

Un o Samuel penas ap i Israelitarja: O baro Dewel hi kowa, kai o Moses un o Arones pral tumende tchiwas, un tumare phuren dran o them Egiptia win anas!

1. Samuel 12:8

Har o Jakob an o them Egiptia was, un i Egiptarja tumare phurenge o djipen phares kran, dan jon gole ap o baro Debleste, te well lo ap lengri rig. Un o baro Dewel bitchras o Moses un o Arones. Un jon anan tumare phuren dran o them Egiptia win, un mukan len kate an kau them te djiwell.