2. Mose 6:16 - O Debleskro Drom 2021 (Sinte)

¹⁶ O Levi his i wawar Israeleskro tchawo. Leskre tchawe hi: o Gershon, o Kohat un o Merari. Kolendar wan i Levitarja. Un o Levi was 137 (sheel-te-trijanda-te-efta) bersha phuro.

O Debleskro Lab 2024 (Sinte-Manouche)

¹⁶ O Levi his i vavar Israeleskro čavo. Leskre čave hi: o Gershon, o Kohat oun o Merari. Kolendar van i Levitarya. Oun o Levi vas 137 (sheel-te-triyanda-te-efta) bersha phouro.

2. Mose 6:16 ပူးပေါင်းရင်းမြစ်များ

1. Mose 35:28

Un o Isaak his 180 (sheel-te-ochta-deesh) bersh phuro.

1. Mose 46:11

O Levi un leskre tchawe: o Gershon, o Kohat un o Merari.

1. Mose 46:9

Leskre tchawe his: o Henoch, o Pallu, o Hezron un o Karmi.

1. Mose 47:28

Un o Jakob djiwas an o them Egiptia 17 (deesh-te-efta) bersha. Un job was 147 (sheel-te-star-deesh-te-efta) bersha phuro.

1. Mose 50:26

Un o Josef meras, har job 110 (sheel-te-deesh) bersha phuro his. Un job was dre-maklo o kutch djeteha un tchiddo an i mochton an o them Egiptia.

1. Familjakro liil 23:6

I Levitarja his i menshe, kai wan kol triin tchawendar o murshestar Levi: o Gershon, o Kohat un o Merari. Un o David tchiwas dran kol triin familja murshen khetne, te budrenn le khetne.

1. Familjakro liil 6:1

O Levi: Leskre tchawe his: o Gershon, o Kohat un o Merari.

1. Familjakro liil 6:16

Mank i Levitarja his kalla, kolen o David i budi das, te giwenn le an o Debleskro kheer. Kowa his an ko tsiro, har o Debleskro mochton kol deesh labentsa khere anlo was, un an o Debleskro kheer dren tchiddo was.

2. Familjakro liil 29:12

Kote stan kal Levitarja glan: dran o kheer Kohat: o Machat, koleskro dad o Amasai his, un o Joel, koleskro dad o Asarja his; dran o kheer Merari: o Kish, koleskro dad o Abdi his, un o Asarja, koleskro dad o Jehallelel his; un dran o kheer Gershon: o Joach, koleskro dad o Simma his, un o Eden, koleskro dad o Joach his;

2. Mose 2:1

Koi his i mursh kol menshendar, kai wenna pal o Levi. Kowa las peske i romni, kai his ninna i Leviteskre menshendar.

2. Mose 6:18

O Kohat, les his tchawe. Kolla hi: o Amram, o Jizhar, o Hebron un o Usijel. O Kohat was 133 (sheel-te-trijanda-te-triin) bersha phuro.

2. Mose 6:20

Un o Amram las peske i romni, i Jochebed, i pheen leskro dadestar. Un koja las dui tchawe: o Aron un o Mose. Un o Amram was 137 (sheel-te-trijanda-te-efta) bersha phuro.

4. Mose 16:1

Un o Korach, – leskro dad his o Jizhar, – i Levitari kolendar, kai wan pal o Kohat, ko Korach was chojedo ap o Moseste. Khetne leha his mursha, kai wan dran o kheer Ruben: o Datan un o Abiram, kolengro dad o Eliab his, un o On, koleskro dad o Pelet his. Pash lende his ninna 250 (dui-sheel-te-paash-sheel) wawar Israelitarja, kai pralstune his mank i Israelitarja, wi-rodede un an-dikle mursha.

4. Mose 26:57

O kheer Levi: Lengre laba wan pre tchinlo pal kol triin tchawende o murshestar Levi: o Gershon, o Kohat un o Merari. Lendar wenna kol Gershonarja, kol Kohatarja un kol Merarja.

4. Mose 3:17

O Levi, les his triin tchawe: o Gershon, o Kohat, un o Merari.

4. Mose 3:18

O Gershon: les his dui tchawe: o Libni un o Shimi.

4. Mose 3:19

O Kohat: leskre tchawe his: o Amram, Jizhar, Hebron un Usijel.

4. Mose 3:20

O Merari: leskre tchawe his o Machli un o Mushi. Kowa hi i menshe, kai wenna pal o Levi peskre familjentsa.

4. Mose 3:21

I menshe, kai wenna o Leviteskro tchawestar Gershon hi i Libnarja un i Shimarja:

Josua 21:4

Un jon witsran barra, hoi sikran, koon hawe forja lella. Un i barra peran glanstunes ap kol Levitarja dran o kheer Kohat, kai wan o rashajestar Aron. Un lenge wan an o them Juda un Simeon un Benjamin 13 (deesh-te-triin) forja dino, jaake har i barra peran.

Josua 21:6

Un kol familje dran o kheer Gershon lan 13 (deesh-te-triin) forja. Kal forja his an i themma Issachar, Asser un Naftali un an ko paash them Manasse, hoi ap koi rig o panjestar Jordan hi, kai o kham pre djal.