2. Mose 6:14 - O Debleskro Drom 2021 (Sinte)

¹⁴ Kalla hi i laba kol phure dadendar, kolendar i Israelitarja wan: O Ruben his o Israeleskro phureder tchawo. Leskre tchawe hi: o Henoch, o Pallu, o Hezron un o Karmi. Lendar wan bare familje, kolengro phuro dad o Ruben his.

O Debleskro Lab 2024 (Sinte-Manouche)

¹⁴ Kalla hi i laba kol phoure dadendar, kolendar i Israelitarya van: O Ruben his o Israeleskro phoureder čavo. Leskre čave hi: o Henok, o Pallou, o Hesron oun o Karmi. Lendar van bare familye, kolengro phouro dad o Ruben his.

2. Mose 6:14 ပူးပေါင်းရင်းမြစ်များ

1. Mose 46:11

O Levi un leskre tchawe: o Gershon, o Kohat un o Merari.

1. Mose 46:9

Leskre tchawe his: o Henoch, o Pallu, o Hezron un o Karmi.

1. Familjakro liil 5:24

Un kalla his i pralstune pral pengre dadengre khera: o Efer, o Jishi, o Eljel, o Asrijel, o Jeremia, o Hodawja un o Jachdijel. Jon lauter his soreles an o kurepen un mursha o labestar.

1. Familjakro liil 5:3

O Ruben his o Jakobeskro phureder tchawo. Leskre tchawe his: o Henoch, o Pallu, o Hezron un o Karmi.

1. Familjakro liil 7:2

O Tola: Leskre tchawe his: o Usi, o Refaja, o Jerijel, o Jachmai, o Jibsam, un o Samuel. Kolla his pralstune pral pengre familje un bare kurepangre. An o tsiro, kai o David djiwas, his kolla, kai wan pal o Tola, 22.600 mursha. Jaake his dren tchinlo an i familjakro liil.

1. Familjakro liil 7:7

O Bela: Leskre tchawe his: o Ezbon, o Usi, o Usijel, o Jerimot un o Ir; lauter khetne his pantch. Jon his pralstune pral pengre familje un sorele kurepangre. Lendar wan 22.034 mursha, kai his dren tchinlo an i familjakro liil.

1. Familjakro liil 8:6

O Ehud, leskre tchawe his: o Naaman, o Achija un o Gera. Kolla his pralstune pral i menshende an o foro Geba. Un jon wan pandles anlo an o foro Manachat. O Gera his kowa, kai anan len kote. Leskre tchawe his o Usa un o Achichud.

2. Mose 6:13

Un o baro Dewel rakras ap o Moseste un ap o Aroneste un bitchras len pash i Israelitarja un pash o Farao, ko baro rai pral o them Egiptia, te mukell lo i Israelitarjen dran o them Egiptia te djal.

2. Mose 6:25

O Aroneskro tchawo, o Eleasar, las peske i romni. Kolakro dad his o Putijel. Un joi las i tchawo, o Pinhas. Kal phure dadendar wenna bare familje, jon hi lauter Levitarja.

4. Mose 1:18

Un jon anan i tsele Israelitarja khetne ap o ersto diwes an o duito tchon. Un i tsele mursha, hoi his biish bersh un phureder, mukan pengre laba an lila dren te tchinell. Jon wan jaake pre-tchinlo, te was diklo dran hawi familja hakeno was un koon leskro dad his.

4. Mose 26:12

O kheer Simeon: Leskre tchawe his o Jemuel, o Jamin, o Jachin, o Serach un o Shaul. Lendar wenna i Jemuelarja, i Jaminarja, i Jachinarja, i Seracharja un i Shaoularja.

Josua 13:15

Un o Mose das i familjen dran o kheer Ruben lengro kotar them.

Josua 13:23

Un o them, hoi i menshenge dran o kheer Ruben his, djas bis pash o pani Jordan. Kau tselo them un leskre gaba un forja lan i familje dran o kheer Ruben, te well lo lengro.

Josua 14:1

Un kalla hi kol kotja them, hoi i Israelende dino wan an o them Kanaan. O rashai Eleasar un o Josua, koleskro dad o Nun his, khetne kol pralstunentsa pral i bare familjende, jon his kolla, kai dan ko them win, te lell haki familja peskro kotar them.

Josua 19:51

Un jaake dan o rashai Eleasar un o Josua, koleskro dad o Nun his, khetne kol pralstunentsa pral kol 12 (deesh-te-dui) bare familje hakeneste peskro them, jaake har i barra sikran, hoi le witsran. Kowa was kerdo, har his le khetne glan o baro Debleste, glan o wudar leskro plachteno kherestar an o foro Shilo. Un jaake las kote hakeno peskro kotar them.