2. Mose 5:6 - O Debleskro Drom 2021 (Sinte)

⁶ Ap kau diwes penas o Farao ap kol pralstune Egiptarja un ap kol pralstune Israelitarja, kai dan jak ap i budepangre:

O Debleskro Lab 2024 (Sinte-Manouche)

⁶ Ap kava dives penas o Farao ap kol pralstoune Egiptarya oun ap kol pralstoune Israelitarya, kay dan yak ap i boudepangre:

2. Mose 5:6 ပူးပေါင်းရင်းမြစ်များ

2. Familjakro liil 26:11

Un o Usija, les his latche lurde dran o tselo them. O tchinepaskro Jehijel un o pralstuno Maaseja tchinan lengre laba pre un tchiwan len jaake khetne pre har hunte djan le an o kurepen. Pral kolende dujende his o Hananja tardo, jek o pralstunendar o baro rajestar.

2. Mose 1:11

I Egiptarja tchiwan pralstune pral i Israelitarja. Kolla dan garda te budran i Israelitarja phares, un jaake rikran le len tele. Un jon kran i forja Pitom un Ramses, te well kote o chapen tchiddo o baro rajeske, o Farao.

2. Mose 3:7

Un o baro Dewel penas: “Me dikom har djungelo mire menshenge djala an o them Egiptia. Me shunom lengri gole, har dan i pralstune chale len dawa. Me prindjrau lengre duka.

2. Mose 5:10

Koi djan kol pralstune Egiptarja un kol Israelitarja, kai dan jak ap i budepangre, pash lende un penan lenge: “O Farao penas, te das mer tumen buder kek phuss.

2. Mose 5:19

Har shunan i mursha, kai hunte krenn le hako diwes jaake bud barra har glan kowa, koi dikan le, te dikell lenge gar mishto win.

2. Mose 5:7

“Denn len buder kek phuss, te tchiwenn le kowa an koi tchik, kolatar jon barra chatchenna! Mukenn len ko phuss penge kokres khetne te tchiwell!

Gosewe laba 12:10

Kowa, kai an o tchatchepen tardo hi, les hi i dji peskre viechenge. I tchilatchen hi kek dji lenge.

4. Mose 11:16

Un o baro Dewel penas leske: “Le tuke efta-deesh mursha kol phurendar an Israel, kolendar, kai tu djineh, kai hi jon pralstune pral i menshende. An len glan o Debleskro plachteno kheer. Kote wenn le glan tute tardo.

5. Mose 1:15

Un me lom i pralstune murshen dran tumare bare familjen, gosewe un an-dikle murshen un tchiwom len pral tumende, te wenn le tumare tchatchepangre mursha. Jon wan pralstune pral 1.000 (jek sero), pral 100 (jek sheel) un pral 50 (i paash-sheel) un pral 10 (deesh).

5. Mose 16:18

Tchiwenn tchatchepangre murshen un wawar pralstunen dren an tumare forja, hoi tumen tumaro baro Dewel della! Jaake te hi an hako them kol deesh-te-dui bare familjendar tchatchepangre, kai rakrenn o tchatchepen jaake win pral pengre menshende, te lell hakeno peskro tchatchepen.

Josua 24:1

Un o Josua mukas menshen dran haki bari familja, kai wan kol deesh-te-dui tchawendar o Jakobestar pash peste an o foro Sichem khetne gole te dell, i phureden, i pralstunen pral i bare familje, i tchatchepangre murshen, un wawar pralstunen. Un jon wan khetne glan o Debleste.

Josua 24:4

Un o Isaakeste dom o Jakob un o Esau. Un i menshenge dran o kheer Esau dom i berge Seir, te djiwenn le kote. O Jakob un leskre tchawe djan tele an o them Egiptia.

Josua 8:33

Un i tsele Israelitarja, lengre phureder, pralstune un tchatchepangre mursha, ninna i wi-themarja mank lende, jon halauter his tardo ap kol dui rigja pash o mochton, kai i deesh laba dren hi, hoi o baro Dewel len das. Ap koi jek rig dikan le i berga Garizim, ap koi wawar rig dikan le i berga Ebal. Mank lende un o mochton his i rashaja tardo, kai o mochton hidjran, – kolla his Levitarja. I tsele menshe his jaake tardo har o Mose, o baro Debleskro budepaskro, glan i tsiro penas, te wenn le tardo ap ko diwes, kai well o Debleskri bacht pral lende wi-rakedo.