2. Mose 5:1 - O Debleskro Drom 2021 (Sinte)

¹ Palle djas o Mose un o Aron pash o Farao un penan ap leste: “Jaake rakrella o baro Dewel, kai o Israeleskro Dewel hi: ‘Muk mire menshen te djal, te djan le an o mulo tato them, un kote sharenn le man.’”

O Debleskro Lab 2024 (Sinte-Manouche)

¹ Palle djas o Mose oun o Aron pash o Farao oun penan ap leste: “Yaake rakrella o baro Devel, kay o Israeleskro Devel hi: Mouk mire menshen te djal, te djan le an o moulo tato them, oun kote sharenn le man.”

2. Mose 5:1 ပူးပေါင်းရင်းမြစ်များ

1. Rajengro liil 21:20

Kote penas o Ahab ap o Elija: “Hatsal man pale, tu, kai kameh mange tchilatchepen?” Kote penas lo: “Awa, me hatsom tut! Tu bikral tut, te kress kowa, hoi glan i jaka o baro Deblestar tchilatcho hi.

Debleskri gili 119:46

Glan i bare rajende rakrau kolestar, hoi tu menge penal, hoi te kras mer, un ladjau man gar.

2. Mose 10:3

Kote djas o Mose un o Aron pash o Farao dren un penan ap leste: “Kawa penell o baro Dewel, o Dewel pral i Hebrearja: ‘Har rah kameh tu gar te dikell, kai hom sorleder har tu? Muk mire menshen te djal, te nai mangenn le man an!

2. Mose 10:4

Te mukeh tu gar mire menshen te djal, palle kamau me taissar stepangre pral tiro them te bitchrell.

2. Mose 10:9

Un o Mose penas: “Mer djah i ternentsa un i phurentsa, mare tchawentsa un tchentsa. Ninna mare bakre, busja un grumja lah mentsa. Mer kamah maro baro Debles te sharell un leske viechen te marell.”

2. Mose 3:18

Un i phureder shunenna ap tiro lab. Palle dja lentsa pash o baro rajeste pral o them Egiptia. Un penenn ap leste: ‘O baro Dewel, koles i Hebrearja an-mangenna, was pash mende. Kanna muk men triin diwessa dur an o mulo tato them te djal, te maras viechen maro Debleske.’”

2. Mose 33:13

Te dikeh latches ap mande, muk man tiro drom te djinell. Me kamau tut feteder te haiwell, te krap, hoi mishto hi glan tire jaka. Biste kowa gar: Kol menshe hi tire menshe.”

2. Mose 4:23

Un me penau tuke: Muk miro tchawes te djal, te mangell lo man an! Un te mukeh les gar te djal, palle marau me tiro phureder tchawo.’”

2. Mose 6:11

“Dja dren pash o Farao, ko baro rai pral o them Egiptia, un pen leske, te mukell lo i Israelitarja dran leskro them te djal.”

2. Mose 6:27

Jon his kol mursha, kai penan ap ko baro rajeste pral o them Egiptia, o Farao, te mukell job i Israelitarjen dran o them Egiptia win te djal.

2. Mose 7:16

Un pen ap leste: ‘O baro Dewel, o Dewel pral i Hebrearja, bitchras man pash tute, un mukell tuke te penell: Muk mire menshen te djal, te mangenn le man an an o mulo tato them. O tselo tsiro shunal tu gar.

2. Mose 7:2

Tu peness o Aroneske lauter, hoi me tuke penau. Un job penell les ap o Farao, te mukell job i Israelitarjen dran peskro them te djal.

2. Mose 8:1

Un o baro Dewel penas ap o Mose: “Pen ap o Aron, te rikrell lo peskro kasht pral i tsele panja, kolla, hoi nashenna un kolla, hoi tardo hi! Un muk i djambe pral o tselo them Egiptia pre te well.”

2. Mose 8:16

Un o baro Dewel penas ap o Mose: “Taissarla, te djal o Farao pash o pani Nil, dja pash leste un pen ap leste: ‘Kawa penell o baro Dewel: Muk mire menshen te djal, te mangenn le man an!

2. Mose 8:17

Te mukeh tu mire menshen gar te djal, palle mukau me wawar matsille te well, hoi tchurje denn. Jon wenna pral tute un tire pralstunende un tire tsele menshende. Tumare khera wenna pherdo matsille, hoi tchurje denn. Ninna i phub, kai i Egiptarja djiwenna, wella pherdo lendar.

2. Mose 8:20

Un o baro Dewel kras kowa jaake. Un i matsille, hoi tchurje denn, wan an o Faraeskro kheer un an i khera kol pralstunendar un an o tselo them Egiptia. Jaake was kowa i bari bibacht o tselo themeske.

2. Mose 8:27

Un o baro Dewel kras jaake har o Mose lestar mangas, un las i tsele matsille, hoi tchurje denn, krik o Faraestar un leskre pralstunendar, ninna leskre tsele menshendar, jaake te atchas gar jek pral.

2. Mose 9:1

Kote penas o baro Dewel ap o Mose: “Dja pash o Farao dren un pen leske: Kawa penell o baro Dewel, o Dewel pral i Hebrearja: Muk mire menshen te djal, te nai mangenn le man an.

2. Mose 9:2

Te mukeh len tu gar te djal, un rikreh len pale pale,

Jesaja 25:6

Kate ap i berga Zion mukell o baro Dewel, ko rai pral o bolepen un i phub, i menshenge an i tsele themma i latcho chapen glan te tchiwell; i chapen thullo masseha un latchi phuri mool, awa, wi-rodedo latcho mass un wi-rodedi phuri mool.

Ezekiel 2:6

Un tu mensho, tu daress gar lendar, witar gar lengre labendar, hoi jon rakrenna. Tu djiweh mank lende har mank skorpione. Jon hi har subjengre burra trul tute. Ma muk len tuke daar te krell! Ma traash kolestar, hoi kolla rakrenna, kai mukenn pen tchi te penell!

Mateo 10:18

Tumer patsenn ap mande. Doleske anenn le tumen glan i pralstunende un glan i bare rajende, te rakrenn jon i phagi win pral tumende. Kowa well ap tumende, te rakrenn tumer mandar glan lende un glan kolende, kai o Debles gar prindjrenna.

Mateo 10:28

Ma trashenn kol menshendar, kai nai marenn tumen! Jon nai marenn gar o djipen an tumende, hoi ninna pal o merepen djiwella. Trashenn o Deblestar, kai nai tchiwell tumen pal o merepen an o bengeskri jag, kai han hako tsiro nashedo!

Bičepangre 4:29

Rai, shuneh tu, kai jon men kanna trad denna? Mer ham tire budepangre. De men koi soor, te nai rakras tutar!

1. Korintarja 5:8

Un jaake har tchiwan jon ko shutlo jarro krik un chan sau maro, kai kek shutlo jarro dren his, jaake hunte djiwas mer maro newo djipen an o djudjepen un an o tchatchepen. Mer hunte mukas maro phuro djipen, un djiwas buder gar an o tchilatchepen.