2. Mose 40:38 - O Debleskro Drom 2021 (Sinte)

³⁸ Un i tsele Israelitarja dikan koi wolka. Ap o diwes his li pral o Debleskro kheer, ap i rat his li pherdi jag jaake rah har i Israelitarja ap o drom his.

O Debleskro Lab 2024 (Sinte-Manouche)

³⁸ Oun i tsele Israelitarya dikan koy folka. Ap o dives his li pral o Debleskro kheer, ap i rat his li pherdi yag yaake rah har i Israelitarya ap o drom his.

2. Mose 40:38 ပူးပေါင်းရင်းမြစ်များ

2. Samuel 7:6

Me djiwom an kek kheer, fun ko diwes, kai me kol Israelitarjen win anom dran o them Egiptia bis kai diwes. Man his tchi har i plachteno kheer har djom lentsa trujel. An ko tselo tsiro penom me kekeske, kai das garda ap mire menshende Israel: ‘Hoske kreh tu mange kek kheer dran zedertikro kasht?’

Debleskri gili 105:39

O baro Dewel khatras peskre menshen tel i wolka, un rati sikras len i jag o drom.

Debleskri gili 78:14

Ap o diwes djas lo glan lende an i wolka, un rati an i jag, te was len i momeli.

2. Mose 13:21

O baro Dewel djas glan lende ap o diwes an i bari wolka, te anell lo len ap o tchatcho drom, un rati an i bari jag, te well lenge i momeli, jaake te nai djan le ap o diwes un ninna an i rat.

2. Mose 13:22

Un koi wolka djas peske gar, un atchas glan lende ap o diwes. Un koi jag djas peske gar lendar an i rat.

4. Mose 10:34

Un ap o diwes, har djan le dureder, his o baro Debleskri wolka pral lende.

4. Mose 9:12

Un jon hunte mukenn tchi tchiddo pral i rat. Witar kek kokalo hunte well phagedo. Un halauter hunte well jaake kerdo har pash o Passa, hoi chan le ap o tchatcho tsiro.

4. Mose 9:15

Un ap ko diwes, kai was o Debleskro kheer pre-tchiddo, ko kheer, kai o Debleskre deesh laba dren hi, was i wolka tele pral o kheer. Un an i rati his i jag an late.

4. Mose 9:16

Jaake his kowa o tselo tsiro: ap o diwes his koi wolka pral ko kheer tardo. Un ap i rati dikas li win har i jag.