2. Mose 40:3 - O Debleskro Drom 2021 (Sinte)

³ Un tchip ko mochton dren, kai o Debleskre deesh laba dren hi. Glan o mochton pande ko kutch kotar than pre!

O Debleskro Lab 2024 (Sinte-Manouche)

³ Oun čip ko morhton dren, kay o Debleskre deesh laba dren hi. Glan o morhton pande ko kouč kotar than pre!

2. Mose 40:3 ပူးပေါင်းရင်းမြစ်များ

1. Familjakro liil 17:5

Me djiwom an kek kheer, fun ko diwes, kai me kol Israelitarjen win anom dran o them Egiptia bis kai diwes. Man his tchi har i plachteno kheer, har djom lentsa fun jek platsa ap i wawar.

2. Mose 25:10

Kre i mochton dran o kasht ko rukestar, hoi kharella Akatsia, 125 (sheel-te-biish-te-pantch) centimetarja lengsto, 75 (efta-deesh-te-pantch) centimetarja buchlo un 75 (efta-deesh-te-pantch) centimetarja pral.

2. Mose 25:22

Kote kamau pash tute te well. Mashkral kol dui bolepangre, hoi ap o mochton hi, kai i deesh laba dren hi, kotar rakrau tuha un penau tuke lauter, hoi i Israelitarja hunte krenn.

2. Mose 26:31

Muk ninna i kotar latcho sorelo laintikro than te krell, kai ninna kutch bakrengro bal dren hi. Kowa hi blaueto, lolo un lolo har jag. An ko kotar than wenn bolepangre dren sido an shukar wastengri budi.

2. Mose 31:7

O Debleskro plachteno kheer, o mochton, kai o Debleskre deesh laba dren hi, o pralstuno kotar koi pre, hoi sikrella, kai o Dewel latcho ap peskre menshende hi, ninna o tselo wawar koowa, hoi an o kheer well:

2. Mose 35:12

ko sonakaskro mochton i kashtentsa hidjepaske, o pralstuno kotar koi pre, un ko kutch kotar than, hoi mank i dui iseme pandlo well;

2. Mose 35:4

O Mose penas ap i tsele Israelitarja: O baro Dewel penell tumenge:

2. Mose 39:32

Jaake was koi tseli budi kerdo: kol tsele kotja o Debleskro plachteno khereske, un lauter, hoi koi pashel hi. I Israelitarja kran lauter jaake, har o baro Dewel o Moseske penas.

3. Mose 16:14

Un job lell ko ratestar ko gurumestar, un witsrell kowa peskro gushteha glan ap o pralstuno kotar. Un ap koi platsa glan o mochton witsrell lo peskro gushteha efta kope tchomone ko ratestar.

4. Mose 4:5

Ap ko tsiro, kai stenn i Israelitarja pre, te djan le dureder, djal o Aron peskre tchawentsa an o Debleskro kheer, un jon lenn ko kutch kotar than tele, hoi an o wudar glan o kutch isema hi. Ko kotar than tchiwenn le trul o sonakaskro mochton, kai o Debleskre deesh laba dren hi.

Debleskro tsiro 11:19

Un o Debleskro kheer an o bolepen was pre kerdo. Un an o Debleskro kheer dikom me ko sonakaskro mochton, hoi sikrella, kai o Dewel o maal peskre menshendar hi. Un i jag das karje dran o bolepen pre te tele. Un o bolepen das bari gole, har koi gole, hoi o bolepen della, te dell baro brishin un te djal jag tele dran o bolepen. Un i phub trissas, un das brishin har bare barra.