2. Mose 40:20 - O Debleskro Drom 2021 (Sinte)

²⁰ Un job las i barra, kai o Debleskre deesh laba dren tchinlo hi, un tchiwas len an o sonakaskro mochton, un tchiwas i hidjepaskre kashta an i gustria ap o mochton. Un pral ap o sonakaskro mochton tchiwas lo o pralstuno kotar, hoi sikrella, kai o baro Dewel peskre menshenge latcho hi.

O Debleskro Lab 2024 (Sinte-Manouche)

²⁰ Oun yob las i barra, kay o Debleskre deesh laba dren činlo hi, oun čivas len an o sonakaskro morhton, oun čivas i hidjepaskre kashta an i goustria ap o morhton. Oun pral ap o sonakaskro morhton čivas lo o pralstouno kotar, hoy sikrella, kay o baro Devel peskre menshenge lačo hi.

2. Mose 40:20 ပူးပေါင်းရင်းမြစ်များ

1. Rajengro liil 8:9

Un an ko mochton his tchi dren, har kokres kol dui barra, hoi o Mose dren tchiwas pash i berga Horeb. An lende his o baro Debleskre deesh laba dren tchinlo, hoi i Israelitarja hunte rikrenn. Kowa kras lo lentsa win, har jon win wan dran o them Egiptia.

1. Familjakro liil 15:3

Un o David mukas i tsele Israelitarjen an o foro Jerusalem khetne te well, te nai anenn le o mochton o baro Debleskre deesh labentsa ap ko kotar phub, kai was leske win rodedo.

2. Familjakro liil 5:10

Un an ko mochton his tchi dren, har kokres kol dui barra, hoi o Mose dren tchiwas pash i berga Horeb. An lende his o baro Debleskre deesh laba dren tchinlo, hoi i Israelitarja hunte rikrenn. Kowa kras lo lentsa win, har jon win wan dran o them Egiptia.

Debleskri gili 40:8

Doleske penom tuke: Ake hom. Me krau, hoi mandar tchinlo hi an o liil:

2. Mose 16:34

Jaake har o baro Dewel o Moseske penas, tchiwas o Aron ko khoro glan o sonakaskro mochton, kai o Debleskre deesh laba dren hi, te atchell ko khoro koi.

2. Mose 26:34

Un ap o mochton, kai o Debleskre deesh laba dren hi, tchip ko pralstuno kotar, hoi sikrella, kai o Dewel peskre menshenge latches hi.

2. Mose 31:18

Un har o baro Dewel kowa lauter ap o Mose rakras ap i berga Sinai, das job les i dui barra, kai o Debleskre deesh laba dren tchinlo hi. O Dewel tchinas len peskro gushteha dren.

2. Mose 40:19

Un koi pral tchiwas lo kol dui ledertikre plachte, hoi tchakrenn o kheer. Lauter kras lo jaake har o baro Dewel leske penas.

2. Mose 40:3

Un tchip ko mochton dren, kai o Debleskre deesh laba dren hi. Glan o mochton pande ko kutch kotar than pre!

Mateo 3:15

Koi penas o Jesus ap leste: “Muk kowa kanna jaake te well! Hi mishto menge, te kras kowa lauter, hoi o Dewel mendar kamella.” Un o Johanni kras, hoi o Jesus leske penas,

Remarja 10:4

Job bitchras o Jesus Kristes. Koon ap leste patsella, kowa hi tchatcho glan o Debleste. O Moseskre laba hi buder gar o drom pash o Debleste.

Remarja 3:25

O Dewel bitchras les, te merell lo ap o trushel kolenge, kai ap leste patsenna. Leskro rateha, hoi job ap o trushel ratas, thowas o Dewel mari doosh mendar krik. Jaake dikah, o Dewel hi latcho un tchatcho un lell i menshendar lengri doosh krik.

5. Mose 10:5

Un me rissrom man un djom i berga pale tele. Un me tchiwom kol barra an ko mochton, hoi me krom. Un kote hi le, jaake har o baro Dewel mange penas.

Hebrearja 4:16

Dran kowa was mer glan maro latcho Debleste. Koles hi i baro dji menge, te dell lo men peskri soor ap ko tsiro, kai hunte las mer leskri soor.

Hebrearja 9:4

An i palstuni isema his o sonakaskro bob tardo, kai kutch gudlo kasht pral pre chatchedo was, hoi mishto sungella. Koi his ninna o sonakaskro mochton. An leste his o sonakaskro khoro, kai his ko maro dren tchiddo, hoi Manna kharella. An ko mochton his ninna o Aroneskro kasht, hoi senelo was, ninna kol dui tchinle barra. Ap kolende his i deesh Debleskre laba tchinlo, hoi o Dewel peskre menshentsa win kras.

1. Johanni 2:2

Job kokres las mari doosh mendar, un las lat ap peste, har job menge ap o trushel meras. Gar mari doosh kokres las lo ap peste. Na-a, job las ninna i doosh i tsele menshendar ap kai phub ap peste.