2. Mose 4:27 - O Debleskro Drom 2021 (Sinte)

²⁷ An ko tsiro penas o baro Dewel ap o Aron: “Dja pash o Moseste an o mulo tato them!” Un o Aron djas koi. Un jon hatsan pen pash i Debleskri berga, un lan pen an i mussi un tchumran pen.

O Debleskro Lab 2024 (Sinte-Manouche)

²⁷ An ko tsiro penas o baro Devel ap o Aron: “Dja pash o Moseste an o moulo tato them!” Oun o Aron djas koy. Oun yon hatsan pen pash i Debleskri berga, oun lan pen an i moussi oun čoumran pen.

2. Mose 4:27 ပူးပေါင်းရင်းမြစ်များ

1. Mose 29:11

Un o Jakob tchumras i Rachel un rowas soreles, kai lauter kowa shunan.

1. Rajengro liil 19:8

Kote stas lo pre un chas un pijas, un djas an kai chapaskri soor star-deesh diwessa un star-deesh ratsja, bis te was lo ap o Debleskri berga, o Horeb.

Debleskri gili 105:26

Job bitchras peskro budepaskres, o Moses, un o Arones, koles job peske wi-rodas.

2. Mose 18:5

Kanna was o Jetro o Moseskre tchawentsa un leskri romni an o mulo tato them pash i Debleskri berga, kai i Israelitarja beshdo hi.

2. Mose 18:7

Kote djas o Mose win pash leste, djas ap i tchanga glan leste un tchumras les. Un jon putchan jek o wawarestar, har lenge djala.

2. Mose 19:3

Un o Mose djas pre ap i berga pash o Debleste. Kote das o baro Dewel ap leste gole: “Kawa peness tu ap i Israelitarja, kol menshende, kai wenna pal o Jakob:

2. Mose 20:18

Un i tsele Israelitarja shunan, har o bolepen gole das, un dikan, har jag dran o bolepen tele karje das. Ninna shunan le, har jek ap i phurdepaskri phurdas, un dikan i jagakro ducho. Un har jon kawa shunan un dikan, nashan le penge un atchan i kotar dureder tardo un trissan i darjatar.

2. Mose 24:13

Koi djas o Mose pre ap o Debleskri berga. Leskro budepaskro Josua djas leha.

2. Mose 3:1

O Moseskri romjakro dad his o Jetro, ko rashai an o them Midian. Koles his bakre un busja. Un o Mose das jak ap lende, un anas len pral o tato mulo them, un was pash o Debleskri berga, hoi kharella Horeb.

2. Mose 4:26

Kau lab penas li doleske, kai tchinas li peskro tchawes ap o mass. Palle mukas o baro Dewel o Moseske tele.

Sikepaskro 4:9

Dujenge djal feteder har jekeske. Te budrenn dui khetne, well jek o wawareske pash o wast.

Bičepangre 10:20

Ste pre, dja tele, un dja lentsa! Pats, hoi jon tuke penenn! Me bitchrom len.”