2. Mose 4:23 - O Debleskro Drom 2021 (Sinte)

²³ Un me penau tuke: Muk miro tchawes te djal, te mangell lo man an! Un te mukeh les gar te djal, palle marau me tiro phureder tchawo.’”

O Debleskro Lab 2024 (Sinte-Manouche)

²³ Oun me penau touke: Mouk miro čaves te djal, te mangell lo man an! Oun te moukeh les gar te djal, palle marau me tiro phoureder čavo.”

2. Mose 4:23 ပူးပေါင်းရင်းမြစ်များ

Debleskri gili 105:36

Job das o phureder mursh tchawes mulo haki datar an o them Egiptia. Kolla his lengre dadengri feteder soor.

Debleskri gili 135:8

Job hi kowa, kai das i phureder mursh tchawen mulo an o them Egiptia pash i menshende, ninna pash i viechende,

Debleskri gili 136:10

Job maras i phureder mursh tchawen i Egiptarendar. Leskro latchepen atchella hako tsireske!

Debleskri gili 78:51

Job maras i tsele phureder mursh tchawen an o them Egiptia, kol tchawen kolendar, kai wenna pal o Ham, an kolende pengre dadengri bareder soor hi.

2. Mose 10:3

Kote djas o Mose un o Aron pash o Farao dren un penan ap leste: “Kawa penell o baro Dewel, o Dewel pral i Hebrearja: ‘Har rah kameh tu gar te dikell, kai hom sorleder har tu? Muk mire menshen te djal, te nai mangenn le man an!

2. Mose 10:4

Te mukeh tu gar mire menshen te djal, palle kamau me taissar stepangre pral tiro them te bitchrell.

2. Mose 11:5

Palle merenna i tsele mursh tchawe an o them Egiptia, kai hi i phureder tchawe pengre dajendar: o Faraeskro phureder tchawo, kai ap o rajeskri beshepaskri beshdo hi, un ninna o phureder tchawo kol djuwjatar, kai dran o djob jarro krella. Un ninna kol mursh vieche, kai hi i phureder tchawe pengre dajendar hunte merenn.

2. Mose 12:29

Un mashkral an i rat maras o baro Dewel i tsele mursh tchawen, kai his i phureder tchawe pengre dajendar, an o tselo them Egiptia: o Faraeskro phureder tchawes, kai ap o rajeskri beshepaskri beshdo hi, un ninna i phureder tchawen kolendar, kai stilde hi. Awa, ninna i mursh vieche, hoi his i phureder tchawe pengre dajendar, wan temerl dino.

2. Mose 13:15

Har pandas o Farao peskro dji un mukas men gar te djal, maras o baro Dewel an o tselo them Egiptia i tsele mursh tchawen, kai his i phureder tchawe pengre dajendar pash i menshende un ninna pash i viechende. Doleske dau me ko phureder mursh ternepen, hoi i viechestar boldo wella, o baro Debleske. Pash mire tchawende hi wawartchandes. Hako phureder mursh tchaweske marau i viecho.’

2. Mose 18:8

Un o Mose penas peskri romjakro dad lauter, hoi o baro Dewel ap o Faraeste un ap i tsele Egiptarja kras, har las lo i Israelitarja win. Ninna penas lo leske, har phares his ap o drom un har o baro Dewel pale te pale ap lengri rig was.

2. Mose 3:18

Un i phureder shunenna ap tiro lab. Palle dja lentsa pash o baro rajeste pral o them Egiptia. Un penenn ap leste: ‘O baro Dewel, koles i Hebrearja an-mangenna, was pash mende. Kanna muk men triin diwessa dur an o mulo tato them te djal, te maras viechen maro Debleske.’”

2. Mose 5:1

Palle djas o Mose un o Aron pash o Farao un penan ap leste: “Jaake rakrella o baro Dewel, kai o Israeleskro Dewel hi: ‘Muk mire menshen te djal, te djan le an o mulo tato them, un kote sharenn le man.’”

2. Mose 6:11

“Dja dren pash o Farao, ko baro rai pral o them Egiptia, un pen leske, te mukell lo i Israelitarja dran leskro them te djal.”

2. Mose 7:16

Un pen ap leste: ‘O baro Dewel, o Dewel pral i Hebrearja, bitchras man pash tute, un mukell tuke te penell: Muk mire menshen te djal, te mangenn le man an an o mulo tato them. O tselo tsiro shunal tu gar.

2. Mose 8:1

Un o baro Dewel penas ap o Mose: “Pen ap o Aron, te rikrell lo peskro kasht pral i tsele panja, kolla, hoi nashenna un kolla, hoi tardo hi! Un muk i djambe pral o tselo them Egiptia pre te well.”

2. Mose 8:16

Un o baro Dewel penas ap o Mose: “Taissarla, te djal o Farao pash o pani Nil, dja pash leste un pen ap leste: ‘Kawa penell o baro Dewel: Muk mire menshen te djal, te mangenn le man an!

2. Mose 8:17

Te mukeh tu mire menshen gar te djal, palle mukau me wawar matsille te well, hoi tchurje denn. Jon wenna pral tute un tire pralstunende un tire tsele menshende. Tumare khera wenna pherdo matsille, hoi tchurje denn. Ninna i phub, kai i Egiptarja djiwenna, wella pherdo lendar.

2. Mose 8:20

Un o baro Dewel kras kowa jaake. Un i matsille, hoi tchurje denn, wan an o Faraeskro kheer un an i khera kol pralstunendar un an o tselo them Egiptia. Jaake was kowa i bari bibacht o tselo themeske.

2. Mose 9:1

Kote penas o baro Dewel ap o Mose: “Dja pash o Farao dren un pen leske: Kawa penell o baro Dewel, o Dewel pral i Hebrearja: Muk mire menshen te djal, te nai mangenn le man an.

2. Mose 9:13

Kote penas o baro Dewel ap o Moseste: “Taissarla ste sik pre, dja glan o Farao un pen ap leste: ‘Kawa penell o baro Dewel, o Dewel pral i Hebrearja: Muk mire menshen te djal, te nai mangenn le man an.

2. Mose 9:2

Te mukeh len tu gar te djal, un rikreh len pale pale,

Hosea 11:1

Har o Israel terno his, kamom les o djijestar, un dran o them Egiptia kharom les, miro tchawes.