2. Mose 4:21 - O Debleskro Drom 2021 (Sinte)

²¹ Un o baro Dewel rakras ap o Moseste: “Te hal an o them Egiptia, palle kre ko tselo baro koowa, hoi me tut an tiro wast dom, glan o Farao! Un me kamau leskro dji har i bar te krell, te mukell job gar tire menshen dran i Egiptia win.

O Debleskro Lab 2024 (Sinte-Manouche)

²¹ Oun o baro Devel rakras ap o Moseste: “Te hal an o them Egiptia, palle kre ko tselo baro koova, hoy me tout an tiro vast dom, glan o Farao! Oun me kamau leskro dji har i bar te krell, te moukell yob gar tire menshen dran i Egiptia vin.

2. Mose 4:21 ပူးပေါင်းရင်းမြစ်များ

1. Mose 6:3

Koi penas o baro Dewel: “Miro djipaskro ducho atchell gar hako tsiro an o mensheste. Job hi mass. Job well gar phureder har 120 (sheel-te-biish) bersha.”

1. Rajengro liil 22:22

Un job penas: ‘Me mukau i chochepaskro ducho te well, hoi rakrell dran i muja leskre tsele dikepangren!’ Koi penas o baro Dewel: ‘Tu hunte kress kowa. Tuke djal kowa mishto. Dja win, un kre les jaake!’”

Debleskri gili 105:25

Kolenge das lo an o dji, te dikenn le tchilatche jakentsa ap o Debleskre menshende, un kran lenge midjak koowa.

Debleskri gili 78:43

Lenge was gar an o shero, har sikras lo peskri bari soor an o them Egiptia, un hawo baro koowa job kras pash o foro Zoan.

2. Mose 10:1

Pal kowa penas o baro Dewel ap o Mose: “Dja pash o Farao dren! Me pandom leskro dji, ninna i djia leskre pralstunendar, te nai krom kau baro koowa an miri soor mashkral lende.

2. Mose 10:20

Ninna kau kopo pandas o baro Dewel o Faraeskro dji. Un job mukas i Israelitarjen gar te djal.

2. Mose 10:27

Un pale pandas o baro Dewel o Faraeskro dji, te mukas lo len pale gar te djal.

2. Mose 11:10

Un o Mose un o Aron kran ko tselo baro koowa an o Debleskri soor glan o Farao. Un o baro Dewel pandas leskro dji, te mukas lo i Israelitarjen gar dran peskro them te djal.

2. Mose 11:9

Jaake was kowa tchatcho, hoi o baro Dewel penas ap o Mose: “O Farao shunella gar ap tumende, jaake te krau bud un baro koowa, un sikrau miri soor an o tselo them Egiptia.”

2. Mose 14:17

Me krau, te pandenn i Egiptarja pengre djia jaake, te lenn le tumenge palla. Un me sikrau miro barepen un miri soor ap o Farao, ap leskre wurdja un ap leskre kurepangre.

2. Mose 14:4

Palle pandau me leskro dji, te lell lo len palla. Un me sikrau miro barepen un miri soor ap leste un ap leskre tsele lurdende. Un i Egiptarja haiwenn: Me hom o baro Dewel.” Un i Israelitarja kran jaake har o Mose lenge penas.

2. Mose 14:8

Un o baro Dewel pandas o Faraeskro dji, jaake te las job i Israelitarja palla, har jon i hadede wastentsa bachteles win djan.

2. Mose 3:19

Un palle penas o baro Dewel: “Me djinau, o baro rai pral o them Egiptia, te well lo gar phagedo, mukell lo tumen gar dran o them win te djal.

2. Mose 3:20

Doleske tchiwau bari bibacht ap i Egiptarja, un krau baro koowa mank lende, hoi sikrella miri soor. Pal kowa mukenn le tumen te djal.

2. Mose 7:13

Har dikas o Farao kowa, atchas leskro dji pandlo, un job shunas gar ap lende. Jaake was, hoi o baro Dewel penas.

2. Mose 7:3

Me kamau leskro dji har i bar te krell, jaake te nai krap bud baro koowa an o tselo them Egiptia, te sikrap miri bari soor.

2. Mose 8:11

Har dikas o Farao, te hi i bibacht lestar krik, jaake har leske penlo was, kote pandas job pale peskro dji un shunas gar ap lende. Jaake was, hoi o baro Dewel penas.

2. Mose 8:15

Kote penan i durkepangre ap o Farao: “Kawa hi o Debleskro wast!” Ninna kanna rikras o Farao peskro dji pandlo un shunas gar ap lende. Jaake was, hoi o baro Dewel penas.

2. Mose 9:12

Un o baro Dewel pandas o Faraeskro dji, un job shunas gar ap lende. Jaake was, hoi o baro Dewel ap o Mose penas.

2. Mose 9:35

Jaake was tchatcho, hoi o baro Dewel ap o Moseste penas un o Mose i Israelenge dureder penas: O Faraeskro dji atchas pandlo, un job mukas i Israelitarjen gar te djal.

Jesaja 6:10

Rake lentsa, ninna te pandenn le pengre djia, un krenn pengre kanda kashteno, un pengre jaka pandlo. Te dikans le pengre jakentsa, un shunans pengre kandentsa, un haiwans pengre djijentsa, mukans le pengro tchilatcho drom un wans pash mande, un me kroms len sasto.

Jesaja 63:17

Hoske, baro Dewel, mukeh tu men tire dromendar tele te djal, te kram mare djia har bar, jaake te djiwam buder gar tuha? Ab pale pash mende! Ma biste tire budepangre! Mer ham tire menshe.

Johanni 12:40

O Dewel kras, kai dikenn jon nai gar. Un lengro dji kras job pandlo. Kowa kras job, te dikenn jon nai tchi pengre jakentsa, un te djal tchi dren an lengro dji. Te nai mukenn le gar pengro tchilatcho drom un wenn pash o Debleste, te krell lo len sasto.

Remarja 1:28

Jon kamenn tchi o Deblestar te djinell. Doleske mukas o Dewel len te perell, te djiwenn le pal pengro tchilatcho shero, un krenna, hoi gar mishto hi.

Remarja 9:18

Lauter krell lo jaake, har job kamella. Ap koneste job latches kamell te well, ap koleste hi lo latcho. Koneske job i dji dran bar kamell te dell, koleske dell lo i dji dran bar.

2. Korintarja 2:16

Kolenge, kai djan nashedo, hi kowa har i djungeli khand, hoi anell len an o merepen. Kolenge, kai lenn o Debleskro djipen, hi kowa i latcho sungepen, hoi anell len an o djipen. Kaja hi i bari budi. Koon nai krell kowa lauter mishto? Kek.

5. Mose 2:36

Maro baro Dewel das i tsele forja an mare wasta: ko foro Aroer, hoi pash o lengsto pani Arnon tchiddo hi, un ko foro hoi tella an o panjeskri tala tchiddo hi, un i tsele forja bis pash o them Gilead. Kek foro his koi, hoi sorleder his har mer.

Josua 11:20

O baro Deblestar was, te kran kol menshe pengre djia har bar, jaake te djan le an o kurepen khatar o Israel, un wan halauter lendar maredo. I Israelitarja hunte wan lenge gar latches. Na-a, jon hunte dan len halauteren mulo, jaake har o baro Dewel kowa ap o Mose penas.