2. Mose 4:16 - O Debleskro Drom 2021 (Sinte)

¹⁶ O Aron rakrell tuke ap i Israelitarja, un lauter, hoi tu leske peneh, kowa penell lo! Job hi har tiro mui. Un tu hal leske har i dewel, kai leske i laba an o mui tchiwell.

O Debleskro Lab 2024 (Sinte-Manouche)

¹⁶ O Aron rakrell touke ap i Israelitarya, oun lauter, hoy tou leske peneh, kova penell lo! Yob hi har tiro mouy. Oun tou hal leske har i devel, kay leske i laba an o mouy čivell.

2. Mose 4:16 ပူးပေါင်းရင်းမြစ်များ

Debleskri gili 82:6

Awa, me penom: ‘Tumer han debla, tumer lauter han tchawe o pralstunestar.’

2. Mose 18:19

Shun ap mande: Me kamau tuke te penell, hoi te kress. Un tiro Dewel well ninna tuha. Ab tu lenge glan o Debleste un mang lestar, hoi len hunte well.

2. Mose 4:12

Un kanna dja pash lende! Me kamau tiro mui te well, un kamau tuke lauter sikrell, hoi tu lenge te peness!”

2. Mose 4:30

Un o Aron penas lenge i tsele laba, hoi o baro Dewel ap o Moseste penas. Palle kras o Mose glan lengre jaka ko baro koowa an o Debleskri soor.

Jeremia 36:32

Koi las o Jeremia i newo liil un das les o Baruches, ko tchinepaskres, koleskro dad o Nerija his. Un o Baruch tchinas kol tsele laba pre, hoi o Jeremia leske glan penas, kol laba, hoi an o ersto liil tardo his, hoi o Jojakim, ko baro rai pral Juda an i jag witsras. Un bud wawar laba, hoi jaake har kolla his, wan koi pashel tchinlo.