2. Mose 39:32 - O Debleskro Drom 2021 (Sinte)

³² Jaake was koi tseli budi kerdo: kol tsele kotja o Debleskro plachteno khereske, un lauter, hoi koi pashel hi. I Israelitarja kran lauter jaake, har o baro Dewel o Moseske penas.

O Debleskro Lab 2024 (Sinte-Manouche)

³² Yaake vas koy tseli boudi kerdo: kol tsele kotya o Debleskro plarhteno khereske, oun lauter, hoy koy pashel hi. I Israelitarya kran lauter yaake, har o baro Devel o Moseske penas.

2. Mose 39:32 ပူးပေါင်းရင်းမြစ်များ

1. Rajengro liil 6:38

Un an o deesh-te-jekto bersh an o tchon Bul, – kowa hi o ochtato tchon – his o kheer kerdo. Un lauter his jaake har hunte wals kowa. Un jon budran efta bersha ap leste.

1. Rajengro liil 7:40

Un o Huram kras ninna pirja, bare roja, un tchare. Un jaake kras lo halauter, hoi o rai Salomo lestar kamas, te krell lo o baro Debleskro khereske.

1. Familjakro liil 28:19

Kowa lauter hi pre tchinlo an i liil, jaake har sikras o baro Dewel o Davideste, har kau kheer kerdo hunte well.

2. Mose 12:28

Palle djan le un kran jaake, har o baro Dewel o Moseske un o Aroneske penas.

2. Mose 25:40

Un tu kress lat jaake, har kowa tuke ap i berga sikedo was.

2. Mose 31:7

O Debleskro plachteno kheer, o mochton, kai o Debleskre deesh laba dren hi, o pralstuno kotar koi pre, hoi sikrella, kai o Dewel latcho ap peskre menshende hi, ninna o tselo wawar koowa, hoi an o kheer well:

2. Mose 39:33

Un jon anan lauter pash o Moseste: kol plachte o Debleskro khereske un leskre tsele koola: rikepangre, tchinle kashta, pandepangre kashta, un pesse kashta ap herja;

2. Mose 40:1

O baro Dewel rakras o Moseha un penas:

2. Mose 40:3

Un tchip ko mochton dren, kai o Debleskre deesh laba dren hi. Glan o mochton pande ko kutch kotar than pre!

2. Mose 40:32

Jon hunte thowenn pen hako kopo, kai djan le an o Debleskro plachteno kheer un pash i sasterni chatchepaskri. Jaake penas kowa o baro Dewel o Moseske.

4. Mose 3:31

Un jon hunte denn garda ap ko sonakaskro mochton, koi chapaskri, koi momelengri, o Debleskro sonakaskro bob un o Debleskri sasterni chatchepaskri, kai vieche chatchede wenna. Ninna denn le garda ap i tselo Debleskro koowa an leskro kheer, koleha jon budrenna, ninna ap koi plachta mank kol dui iseme un ap halauter, hoi koi pashel hi.

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Hebrearja 3:2

Koi budi das les o Dewel. Un job kras lat mishto jaake, har ninna o Mose peskri budi o Debleskre menshenge mishto kras.

Hebrearja 8:5

Ko kheer, kai jon budrenna, un kowa, hoi jon krenna, sikrell men i tikno kotar dran koi tseli budi, hoi krell maro baro rashai, o Jesus Kristo, an o bolepen. Kowa dikah kanna gomme gar lauter. Har kras o Mose o Debleske i kheer dran viechengre balla an o mulo them, penas o Dewel leske, har te krell lo les un penas: Kowa lauter, hoi tu kreh, kre jaake, har me sikrom les tute ap i berga!

1. Samuel 15:22

O Samuel penas: “Hoi patseh, hi shukar o baro Debleske: Vieche, hoi leske maredo wenn, sawe hoi leske tseles chatchedo wenn un sawe, kolengre feteder kotja mass leske chatchedo wenn? Kamell lo gar budeder, te shunell jek ap kowa, hoi lo penell? Djin, te shuneh tu ap o baro Debleste, hi kowa leske feteder, har te deh les viechen. Te shuneh tu mishto ap leste, hi kowa feteder, har te deh les thulle kotja i bakrestar.