2. Mose 39:21 - O Debleskro Drom 2021 (Sinte)

²¹ Palle tchiwan le i dori dran blaueto kutch bakrengro bal an kol dui gustria, hoi ap o betcheskri possita hi, un pandan lat jaake ap i gustria ap i damdira, te hi li soreles rikedo pral o pereskro pandepen, hoi rikrell i damdira khetne. Kowa kran le jaake har o baro Dewel o Moseske penas.

O Debleskro Lab 2024 (Sinte-Manouche)

²¹ Palle čivan le i dori dran blaueto kouč bakrengro bal an kol douy goustria, hoy ap o bečeskri possita hi, oun pandan lat yaake ap i goustria ap i damdira, te hi li zoreles rikedo pral o pereskro pandepen, hoy rikrell i damdira khetne. Kova kran le yaake har o baro Devel o Moseske penas.

2. Mose 39:21 ပူးပေါင်းရင်းမြစ်များ

2. Mose 25:7

Lenn lendar ninna kol kutch barra, hoi kharenna Onyx un wawar kutch barra, te wenn le ap o rashajeskri damdira un ap o betcheskri possita sido.

2. Mose 28:8

Ko pereskro pandepen well jaake kerdo har koi damdira: dran latcho sorelo laintikro than, kai sonakai dren sido well, ninna kutch bakrengro bal, hoi blaueto, lolo un lolo har jag kerdo was. I damdira un lakro pandepen hi dran jek kotar than.

2. Mose 39:20

Un palle kran le dui wawar sonakangre gustria un tchiwan len ap kol dui kotja, hoi kote ap i damdira sido hi, kai i phika hi. Un siwan len ap i glanstuni rig kote, kai kol kotja khetne lino hi, pral o pereskro pandepen, hoi rikrell i damdira khetne.

2. Mose 39:22

Koi pashel kran le i baja, hoi riwell o rashai tel i damdira. Un koi tseli baja kran le dran blaueto kutch bakrengro bal.

Mateo 16:24

Palle penas o Jesus ap peskre malende: Koon ap miro drom mantsa djala, kowa hunte bistrell, hoi leske kokres mishto hi, un hunte lell peskro trushel ap peste, un djal mantsa.

1. Korintarja 1:25

Ninna te penenn i wawar menshe: “Kowa, hoi o Dewel krella, hi dinlepen,” hi job gosweder har i menshe. Ninna te penenn le: “O Debles hi kek soor,” hi job sorleder har jon.

1. Korintarja 1:27

O Dewel rodas kolen win, kai an i menshengre jaka gar gosewo hi, te dikenn i gosewe menshe, kai lengro goswepen tchi molella. Job rodas kolen win, kai hi len kek soor an i menshengre jaka, te dikenn i sorele, kai lengri soor tchi molella.