2. Mose 38:30 - O Debleskro Drom 2021 (Sinte)

³⁰ Kolestar mukas o Bezalel kol herja te krell, ap kolende i pesse kashta tardo hi, hoi hi serwes un tchatches pash o wudar. Ninna kran le kolestar koi sasterni chatchepaskri un koi sasterni netsa, hoi koi pashel hi, un i tsele koola, kolentsa i rashaja budrenna.

O Debleskro Lab 2024 (Sinte-Manouche)

³⁰ Kolestar moukas o Bezalel kol herya te krell, ap kolende i pesse kashta tardo hi, hoy hi serves oun čačes pash o voudar. Ninna kran le kolestar koy sasterni rhačepaskri oun koy sasterni netsa, hoy koy pashel hi, oun i tsele koola, kolentsa i rashaya boudrenna.

2. Mose 38:30 ပူးပေါင်းရင်းမြစ်များ

2. Mose 26:37

Tchin pantch pesse kashta dran akatstikro kasht. Tchip sonakai trul lende! Un kre lenge pantch herja dran lolo saster, ninna sonakangre rikepangre! Ap lende well koi plachta pandlo.

2. Mose 27:17

I tsele pesse kashta, hoi trul i platsa tardo hi, kolen hi herja dran lolo saster un rupene rikepangre un rupene shelle, hoi rikrenn kol laintikre kotja.

2. Mose 27:4

Kre ninna i sasterni netsa, kai i jagakri tchik tele perella. Un tchip star sasterne gustria ap lakre star rigja, kote kai i rigja khetne wenna.

2. Mose 38:29

Ko lolo saster, hoi i menshe pendar dan, his budeder har efta-desha zentnarja.

2. Mose 38:31

Dran o lolo saster kran le ninna i herja, ap kolende i pesse kashta trul i glanstuni platsa tardo wenn, ninna i herja tel i pesse kashta pash o wudar glan i glanstuni platsa, un ninna i tsele tikne kotja, hoi wenn an i phub dino, te rikrenn le soreles ko kheer un kol laintikre kotja trul i glanstuni platsa.