2. Mose 38:27 - O Debleskro Drom 2021 (Sinte)

²⁷ Sheel zentnarja rup lan le un kran lestar kol sheel herja, ap kolende i tchinle kashta tardo wenna, ninna kolla, kai rikrenn o wudar dran o kutch kotar than. Haki rupeni heri his jek zentnari pharo.

O Debleskro Lab 2024 (Sinte-Manouche)

²⁷ Sheel centnarya roup lan le oun kran lestar kol sheel herya, ap kolende i činle kashta tardo venna, ninna kolla, kay rikrenn o voudar dran o kouč kotar than. Haki roupeni heri his yek centnari pharo.

2. Mose 38:27 ပူးပေါင်းရင်းမြစ်များ

2. Mose 26:19

Tel ko biish tchinle kashta tchiwess tu star-deesh rupene herja, kai i gushte dren tchiddo wenna: tel hako tchinlo kasht dui herja, kai dui gushte dren tchiddo wenna.

2. Mose 26:21

Tel kolende kress tu ninna star-deesh rupene herja: dui herja tel hako tchinlo kasht.

2. Mose 26:25

Jaake wenn ochta tchinle kashta ap i palstuni rig un deesh-te-shob rupene herja: tel hako tchinlo kasht dui herja.

2. Mose 26:32

Tchin star pesse kashta dran akatstikro kasht, tchip sonakai trul lende un tchip len ap star rupene herja. Tchip sonakangre rikepangre pral ap lende un pande ko kutch kotar than koi pre. Kau kutch than well o wudar mank o Debleskri glanstuni isemaun o Debleskri palstuni isema, hoi leskri kutcheder isema hi. Palle an ko mochton, kai o Debleskre deesh laba dren hi, un tchip les pal ko wudar dran o kutch kotar than an o Debleskri palstuni isema!

2. Mose 38:26

I tsele mursha, kai phureder his har biish bersha, his 603.550 (shob-sheel-te-triin-serja-pantch-sheel-te-pantch-desha) mursha. Hakeno lendar das i paash rupeno kotar. Jek paash kotar rup his jaake bud har jek paash kotar rup an o Debleskro kheer pharo his.

2. Mose 38:28

Ko rup, hoi pral atchas, his jaake deesh-te-triin kilogramme. Kolestar kran le i gustria un i shelle, hoi i laintikre kotja rikrenna. Ninna tchiwan le les trul i shere kol pesse kashtendar.