2. Mose 38:19 - O Debleskro Drom 2021 (Sinte)

¹⁹ Koi pashel kran le star pesse kashta un star herja dran lolo saster, ninna rupene rikepangre un rupene shelle, hoi rikrenn koi bari plachta. I pesse kashta, len hi shere, kai rup trul tchiddo his.

O Debleskro Lab 2024 (Sinte-Manouche)

¹⁹ Koy pashel kran le star pesse kashta oun star herya dran lolo saster, ninna roupene rikepangre oun roupene shelle, hoy rikrenn koy bari plarhta. I pesse kashta, len hi shere, kay roup troul čiddo his.

2. Mose 38:19 ပူးပေါင်းရင်းမြစ်များ

1. Rajengro liil 7:16

Un job kras dui sherja dran lolo saster un tchiwas len pral pre ap i turme, hako shero his 2,5 (dui-te-paash) metarja baro.

2. Mose 38:18

Un koi bari plachta, hoi well pandlo an o wudar glan i glanstuni platsa kran le an shukar wastengri budi dran latcho sorelo laintikro than, kai ninna kutch bakrengro bal dren hi. Kowa his blaueto un lolo un lolo har jag. Koi plachta his deesh metarja lengsto un dui-te-paash metarja baro, jaake baro har ninna i wawar laintikre kotja hi, hoi trul i platsa pandlo wenn.

2. Mose 38:20

Ninna kol tikne kotja his dran lolo saster, hoi denn le an i phub, te well o plachteno kheer un i plachte trul i platsa soreles rikedo.