2. Mose 38:18 - O Debleskro Drom 2021 (Sinte)

¹⁸ Un koi bari plachta, hoi well pandlo an o wudar glan i glanstuni platsa kran le an shukar wastengri budi dran latcho sorelo laintikro than, kai ninna kutch bakrengro bal dren hi. Kowa his blaueto un lolo un lolo har jag. Koi plachta his deesh metarja lengsto un dui-te-paash metarja baro, jaake baro har ninna i wawar laintikre kotja hi, hoi trul i platsa pandlo wenn.

O Debleskro Lab 2024 (Sinte-Manouche)

¹⁸ Oun koy bari plarhta, hoy vell pandlo an o voudar glan i glanstouni platsa kran le an shoukar vastengri boudi dran lačo zorelo layntikro than, kay ninna kouč bakrengro bal dren hi. Kova his blaueto oun lolo oun lolo har yag. Koy plarhta his deesh metarya lengsto oun douy-te-paash metarya baro, yaake baro har ninna i vavar layntikre kotya hi, hoy troul i platsa pandlo venn.

2. Mose 38:18 ပူးပေါင်းရင်းမြစ်များ

2. Familjakro liil 3:14

Un o Salomo mukas ninna i plachta te krell o wudareske. Koja his kerdo dran latcho laintikro than un thabentsa, hoi his blaueto, lolo un lolo har jag. Un Cherubim his dren sido.

2. Mose 26:1

Ko kheer kress tu dran deesh pesse plachte. Un kolla wenn sido dran latcho sorelo laintikro than, kai ninna kutch bakrengro bal dren hi. Kowa hi blaueto, lolo un lolo har jag. An kol plachte wenna bolepangre dren sido an shukar wastengri budi.

2. Mose 26:36

Kre ninna i plachta, hoi well an ko wudar, kai weh dren an o kheer. Kre lat an shukar wastengri budi dran latcho sorelo laintikro than, kai ninna kutch bakrengro bal dren hi, hoi blaueto, lolo un lolo har jag kerdo was.

2. Mose 38:17

Un i herja tel kol pesse kashta his dran lolo saster. Un i rikepangre un shelle, hoi rikrenn i laintikre kotja, his dran rup. Un i pesse kashta, len his shere, kai rup trul tchiddo his.

2. Mose 38:19

Koi pashel kran le star pesse kashta un star herja dran lolo saster, ninna rupene rikepangre un rupene shelle, hoi rikrenn koi bari plachta. I pesse kashta, len hi shere, kai rup trul tchiddo his.