2. Mose 37:6 - O Debleskro Drom 2021 (Sinte)

⁶ Un job kras o pralstuno kotar, hoi tchakrell o mochton dran latcho sonakai. Kowa his 125 (sheel-te-biish-te-pantch) centimetarja lengsto un 75 (efta-desha-te-pantch) centimetarja buchlo.

O Debleskro Lab 2024 (Sinte-Manouche)

⁶ Oun yob kras o pralstouno kotar, hoy čakrell o morhton dran lačo sonakay. Kova his 125 (sheel-te-biish-te-panč) centimetarya lengsto oun 75 (efta-desha-te-panč) centimetarya bourhlo.

2. Mose 37:6 ပူးပေါင်းရင်းမြစ်များ

1. Familjakro liil 28:11

Un o David das peskro tchawes, o Salomo, i liil, kai pre tardo hi, har te krell lo o Debleskro baro kheer: o wudareskri isema, kol glanstune halle, kol iseme, kai tchomone pre garedo well, kol pralstune iseme, ninna kol iseme, kai dren hi, un koi isema, kai o mochton o Debleskre deesh labentsa dren well.

2. Mose 31:7

O Debleskro plachteno kheer, o mochton, kai o Debleskre deesh laba dren hi, o pralstuno kotar koi pre, hoi sikrella, kai o Dewel latcho ap peskre menshende hi, ninna o tselo wawar koowa, hoi an o kheer well:

2. Mose 37:5

un tchiwas len an kol gustria, jaake te nai hidjrenn le ko mochton trujel.

2. Mose 37:7

Un job kras dui bolepangre, hakenes dran jek kotar sonakai, un tchiwas ko jekes glan ap o pralstuno kotar un ko wawares palla ap o pralstuno kotar.

Remarja 3:25

O Dewel bitchras les, te merell lo ap o trushel kolenge, kai ap leste patsenna. Leskro rateha, hoi job ap o trushel ratas, thowas o Dewel mari doosh mendar krik. Jaake dikah, o Dewel hi latcho un tchatcho un lell i menshendar lengri doosh krik.

Galatarja 4:4

Har ko tchatcho tsiro was, bitchras o Dewel peskro tchawes. Kowa was i mensho, un pandlo ap o Moseskre laba.

Tito 2:14

Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.

Hebrearja 9:5

Pral pre ap o sonakaskro mochton his dui raile bolepangre dran sonakai tardo. Kolen his mussja har bare tchirklen hi. Pengre mussja rikran le pral o sonakaskro mochton. Kote well i menshengri doosh krik lino. Kanna kamah gar te rakras pral hako tikno koowa an o Debleskro tikno kheer.

1. Johanni 2:2

Job kokres las mari doosh mendar, un las lat ap peste, har job menge ap o trushel meras. Gar mari doosh kokres las lo ap peste. Na-a, job las ninna i doosh i tsele menshendar ap kai phub ap peste.