2. Mose 36:2 - O Debleskro Drom 2021 (Sinte)

² O Mose kharas o Bezalel un o Oholiab pash peste, ninna kol tsele wawaren, kai o baro Dewel goswepen an lengro dji das un wasta, te budrenn le mishto, un kai wan pendar, te krenn le koi budi.

O Debleskro Lab 2024 (Sinte-Manouche)

² O Mose kharas o Bezalel oun o Oholiab pash peste, ninna kol tsele vavaren, kay o baro Devel gosvepen an lengro dji das oun vasta, te boudrenn le mishto, oun kay van pendar, te krenn le koy boudi.

2. Mose 36:2 ပူးပေါင်းရင်းမြစ်များ

1. Familjakro liil 28:21

Dik, i rashaja un i Levitarja wan jaake khetne lino, har jon khetne budrenn an o Debleskro kheer. Haki budjake hi rashaja un Levitarja koi. Ninna koi tseli wawar budjake ap o kheer hi tut budepangre, kai gosewo hi, un haiwenn pengri budi mishto te krell. Koi pashel hi tut i pralstune mursha un menshe, te krenn le halauter, hoi tu lenge peneh.”

1. Familjakro liil 29:5

Kolestar, hoi pral atchell, well rupeno un sonakaskro koowa kerdo, ninna ko wawar koowa, hoi kolla krenna, kai haiwenn shukar koowa te krell. Kanna putchau tumendar: Koon tumendar della ninna tchomone pestar o baro Debleske?”

2. Mose 25:2

Pen ap i Israelitarja: Hakeno, hoi les an o dji chatchella, te dell lo man pestar tchomone, kowa anell les pash tumende.

2. Mose 25:40

Un tu kress lat jaake, har kowa tuke ap i berga sikedo was.

2. Mose 28:3

Rake kolentsa, kolen me latche wasta un o goswepen dom, te haiwenn le mishto te siwell. Pen lenge, te krenn le ripja o Aroneske, te well job mange i rashai.

2. Mose 31:6

Shun, me rodom ninna i wawares win, te djal lo leske pash o wast. Kowa hi o Oholiab. Leskro dad hi o Ahisamach, dran o kheer Dan. Lentsa budrenn hake wawar, kai haiwenn mishto lengre wastentsa te budrell. Lenge dom me o goswepen an o dji, te krenn le lauter jaake, har me tuke penom:

2. Mose 35:10

Koon mank tumende haiwell shukar koowa te krell, kowa te well un budrell mentsa, te nai kras mer, hoi o baro Dewel penas menge:

2. Mose 35:2

Shob diwessa krenn tumari budi! O eftato diwes hi o Debleskro diwes. Ap ko diwes krenn tchi! Ko diwes hi o baro Debleske. Koon ap kau diwes budrella, hunte merella.

2. Mose 36:1

O Bezalel, o Oholiab un kol wawar, kolen o baro Dewel o goswepen un wasta das, te haiwenn le mishto halauter te krell, hoi lo penas, kolla te krenn leske kanna i kheer un kol tsele koola, hoi koi dren hi.”

2. Mose 36:3

Un o Mose das len ko tselo kutch koowa, hoi i Israelitarja anan, te krenn le o baro Debleske i kheer. Un hako diwes taissarlakro wan le pale te pale pash o Moseste un anan leske budeder kutch koowa pendar.

Bičepangre 14:23

Un an hake gaba un forja, kai i patsle khetne wan, rodas o Paulo un o Barnabas phralen win, te wenn le phureder mank i patslende. Un o Paulo un o Barnabas lan penge i tsiro, kai chan le tchi o Debleske, un mangan o Debles lauterenge, kai ap leste patslo wan, te dell lo ap lende jak.

Kolossarja 4:17

Penenn ap o Archippo: Kre koi budi, hoi o rai Jesus tut das! Muk gar tele!

Hebrearja 5:4

Kek mursh nai penella: Me wau baro rashai. Na-a, o Dewel rodell les win, jaake har job glan i rah tsiro ninna o Arones win rodas, te well lo i baro rashai.