2. Mose 35:8 - O Debleskro Drom 2021 (Sinte)

⁸ momelengro djet, kutch sungepaskro koowa, hoi tchiwenn le an o makepaskro djet, un ninna kutch sungepaskro koowa, hoi well chatchedo ap o sonakaskro bob,

O Debleskro Lab 2024 (Sinte-Manouche)

⁸ momelengro djet, kouč soungepaskro koova, hoy čivenn le an o makepaskro djet, oun ninna kouč soungepaskro koova, hoy vell rhačedo ap o sonakaskro bob,

2. Mose 35:8 ပူးပေါင်းရင်းမြစ်များ

2. Mose 27:20

Pen ap i Israelitarja, te anenn le tuke o latcheder olivtikro djet, te nai chatchenn le haki rat i tikne momlia ap i momelengri an o Debleskro plachteno kheer. Kai momelengri well tardo win glan ko kutch kotar than, hoi glan ko mochton pandlo hi, kai o Debleskre deesh laba dren hi. Kote dell o Aron un leskre tchawe jak, te chatchell i momelengri i tseli rat an o Debleskro kheer. Kawa te well jaake kerdo hako tsireske pash i Israelitarja un lengre tchawende, kai pal lende wenna.

2. Mose 30:23

Tu less i khoro olivtikro djet un tchiwess kutch sungepaskro koowa dren: shob kilo Myrrhe, triin kilo Zimto, triin kilo gudlo sungepaskro khass un shob kilo sungepaskro kasht, hoi kharella Kassia. Jek kilo hi jaake bud har jek kilo an o Debleskro kheer hi.

2. Mose 30:28

ninna ap o Debleskri sasterni chatchepaskri, kai i vieche o Debleske chatchedo wenna, un ap kol tsele koola, kolentsa budrenn le. Mak ninna o thopaskro tcharo, un leskre herja, hoi les hidjrenna.

2. Mose 35:28

Ninna anan le momelengro djet un ko koowa, hoi mishto sungella, te well lo chatchedo, ninna kutch sungepaskro koowa, hoi well an o makepaskro djet tchiddo.

2. Mose 35:7

Bakreskri ledertikre plachte, hoi lolo kerdo wan, wawar latche ledertikre plachte un kasht ko rukestar, hoi kharella Akatsia,

2. Mose 35:9

ninna sawe barra, hoi kharenna Onyx un wawar kutch barra, te wenn le ap o rashajeskri damdira un ap o betcheskri possita kerdo.