2. Mose 35:34 - O Debleskro Drom 2021 (Sinte)

³⁴ O Dewel das les ninna o goswepen an o dji, te sikrell lo i wawaren, har te krenn le kai budi. Ko goswepen das o baro Dewel ninna o Oholiab. Koleskro dad hi o Ahisamach, dran o kheer Dan.

O Debleskro Lab 2024 (Sinte-Manouche)

³⁴ O Devel das les ninna o gosvepen an o dji, te sikrell lo i vavaren, har te krenn le kay boudi. Ko gosvepen das o baro Devel ninna o Oholiab. Koleskro dad hi o Ahisamak, dran o kheer Dan.

2. Mose 35:34 ပူးပေါင်းရင်းမြစ်များ

2. Familjakro liil 2:14

Miro rai, bitche menge kanna kowa, hoi tu penal: gib, djob, djet un mool.

Esra 7:10

O Esra tchiwas peskre djijeskre jaka ap o Debleskro drom, te haiwell lo les bud un budeder, un te djiwell lo pal o Debleskro lab, un te sikrell lo halauterenge an o them Israel, hoi o baro Dewel lendar kamell, un har nai djiwenn le pal leskro tchatchepen.

Esra 7:27

Sharedo well o baro Dewel, ko Dewel mare phurendar! Job hi kowa, kai tchiwas sau koowa an o rajeskro dji, te nai well o baro Debleskro kheer an o foro Jerusalem jaake railo un shukar!

Nehemia 2:12

krom man rati pre, lom dui, triin murshen mantsa, un penom kek mensheske, hoi miro Dewel mange an o dji tchiwas, te krap me o foreske Jerusalem. Un his kek grai pash mande, har ko jek ap koleste me klissom.

2. Mose 31:6

Shun, me rodom ninna i wawares win, te djal lo leske pash o wast. Kowa hi o Oholiab. Leskro dad hi o Ahisamach, dran o kheer Dan. Lentsa budrenn hake wawar, kai haiwenn mishto lengre wastentsa te budrell. Lenge dom me o goswepen an o dji, te krenn le lauter jaake, har me tuke penom:

2. Mose 35:33

Ninna haiwell lo kutch barra te tchinell un an gustria te tchiwell. Ninna nai dell lo shukar koowa win tchurje dran kasht, jaake te nai krell lo hako shukar koowa.

1. Korintarja 12:7

An hakeneste budrell o Debleskro Ducho jaake, kai hi kowa i tsele patslenge mishto.