2. Mose 34:6 - O Debleskro Drom 2021 (Sinte)

⁶ Job djas glan o Moseste dureder un das gole: “Me hom o baro Dewel. O baro Dewel hom me. Man hi i baro dji, pherdo kamlepen. Me wau gar sik chojedo. Miro latchepen hi baro un me dau mire menshen gar pre.

O Debleskro Lab 2024 (Sinte-Manouche)

⁶ Yob djas glan o Moseste doureder oun das gole: “Me hom o baro Devel. O baro Devel hom me. Man hi i baro dji, pherdo kamlepen. Me vau gar sik rhoyedo. Miro lačepen hi baro oun me dau mire menshen gar pre.

2. Mose 34:6 ပူးပေါင်းရင်းမြစ်များ

1. Mose 24:27

un penas: “Sharedo well o baro Dewel, o Dewel miro rajestar Abraham. Job rikras peskro latchepen un tchatchepen gar pale miro rajestar. O baro Dewel anas man ap o drom pash o kheer miro rajeskre menshendar.”

2. Samuel 24:14

Un o David penas ap o Gad: “Man hi bari traash. Muk men an o baro Debleskro wast te perell! Leskro kamlepen hi baro. Me kamau gar an i menshengro wast perell.”

1. Rajengro liil 19:11

Un o baro Dewel penas: “Dja win un ab glan mande ap i berga! Un me djau glan tute wergel.” Koi phurdas i sorelo ducho pral i berge, te peran i barra tele, un i bare barra phagan. – O baro Dewel his gar an ko phurdepen. Un pal o sorelo phurdepen trissas i phub. – O baro Dewel his gar an ko trisslepen i phubjatar.

1. Rajengro liil 8:30

Shun miro mangepen un ninna ko mangepen tire menshendar Israel, te denn le gole ap tute kai ap kau kotar phub. Un tu te shuneh les an tiro kheer an o bolepen, palle ab kamles, un le koi doosh mendar krik.

2. Familjakro liil 30:9

Te wenn tumer pale pash o baro Debleste, palle hatsenn tumare phrala un tchawe kamlepen pash kolende, kai len pandles rikrenna, un jon nai wenn pale pale an kau them. O baro Dewel, tumaro Dewel, hi i latcho un kamlo Dewel. Un job sikrell tumen gar o dumo, te wenn tumer pale pash leste.”

Nehemia 9:17

Un jon kaman gar te krell, hoi tu lenge penal, un bistran ko tselo baro koowa, hoi tu lenge kral, hoi kek wawar nai krella. Jon kran pengre djia pandlo har bar. Un rodan jekes win, te well lo lengro rai, un anell len pale an o them Egiptia, an pengro pandepen. Tu hal i Dewel, kai i doosh krik lell, un hal kamlo un kreh tiro dji pre i menshenge. Tu weh gar sik chojedo un tiro latchepen hi baro. Un tu djal gar lendar.

Debleskri gili 108:4

Baro Dewel, me kamau tut te sharell, mank i menshende dran bud themma tuke gilja te giwell.

Debleskri gili 111:4

Job mukell men gar te bistrell, hoi lo an peskri bari soor kras. Latcho un kamlo hi lo.

Debleskri gili 111:8

Kal laba atchenna hako tsireske. Tchatcho hi le, un mer te rikras men ap lende.

Debleskri gili 112:4

Ninna an i kali rat well i momeli kolenge, kai o tchatcho drom djan, kolenge, kai hi latcho un kamlo un djan pal o tchatchepen.

Debleskri gili 116:5

O baro Dewel hi latcho un tchatcho, un o djijestar kamlo hi maro Dewel.

Debleskri gili 138:2

Glan tiro Debleskro kheer perau tele, un parkrau man pash tute, te kral tiro dji mange pre un rikral tiro lab. Awa, tu dal men budeder har menge penal. Tiro lab hi raileder har i tsele wawar.

Debleskri gili 145:8

Latches hi o baro Dewel un krell i menshenge peskro dji pre. Job well gar sik chojedo. Un leskro kamlepen hi baro.

Debleskri gili 146:6

Job hi o Dewel, kai o bolepen un i phub kras, un o baro pani, un kowa, hoi dren hi. Job hi kowa, kai hako tsiro peskro lab rikrell,

Debleskri gili 31:19

kolla chochene, kai hi pre-phurde un praassenn kolen, kai an o tchatchepen tardo hi.

Debleskri gili 57:10

Mank i menshende dran bud themma kamau tut te sharell, miro rai. Glan i natsjone kamau tuke te giwell.

Debleskri gili 86:15

Tu, baro Dewel, hal i latcho Dewel, un kreh tiro dji tire menshenge pre. Tu weh gar sik chojedo, Tiro latchepen hi baro un tu rikreh pash tire menshende.

Debleskri gili 86:5

Tu hal latcho, miro baro Dewel, un leh i doosh krik. Tiro latchepen hi baro kolenge, kai ap tute gole denn.

Debleskri gili 91:4

Har i kachni peskre ternen tel leskre mussja khatrell, jaake khatrell o Dewel tut tel leskre sorele mussja. Kote nai djal tuke tchi. Job rikrell tut jaake har lo penas. Doleske nai well kek tchilatchepen ap tute.

2. Mose 20:5

Tu witsress tut gar glan i wawar debleste tele, un mangess les gar an. Me, o baro Dewel, hom tiro Dewel, un kamau, te kamess man kokres. Kolen, kai kamenn mandar tchi te djinell un anenn doosh ap pende, dau me i phagi. Me dau ninna i phagi lengre tchawende un kolengre tchawende jaake rah har triin-te-star familje jek pal i wawar djiwenn.

2. Mose 22:27

Ma praasse o Debles! Un ma rake bibacht win pral i pralstuno tire menshendar!

2. Mose 33:19

“Mishto”, penas o baro Dewel: “Me kamau glan tute te djal, te dikess tu miro tselo latchepen. Un miro lab ‘Baro Dewel’ rakrau me glan tute win. Me hom latcho koneske, kones me kamau. Un krau miro dji pre koneske me kamau.

Gosewe laba 3:3

Djib hako tsiro an o latchepen un an o tchatchepen! Pande mire laba har i werkli trul tiri meen, un tchin len an tiro dji!

Sikepaskro 8:11

Ko mensho, kai kras tchilatcho koowa, lell gar sik pal kowa peskri phagi. Doleske rikrenn pen i menshe gar pale, te krenn le pengro djungelo koowa dureder.

Jesaja 12:4

Un ap ko tsiro denn tumer gole: Parkrenn tumen pash o baro Debleste! Denn ap leste gole, te well lo ap tumari rig! Penenn i menshenge an i tsele themma, hoi lo kras. Penenn hakeneske te hi leskro lab bareder har hako wawar lab!

Jesaja 65:16

Palle penenn kolla an o them Juda, kai rakrenn i bacht win pral jekeste: “I bacht o tchatchepaskro Deblestar well pral tute!” Un kowa, kai dell pes sowel an o them, kowa dell pes sowel pash o tchatchepaskro Debleste. Palle hi bistedo kol phare diwessa pherdi bibacht, hoi glan kau tsiro his, un wenn mange buder gar glan i jaka.

Jeremia 32:18

Tu mukeh latchepen pral bud serja menshende te well. Un i doosh i dadendar mukeh ap i sherja lengre tchawendar te well. Tu hal o baro un sorelo Dewel. Tiro lab hi: Baro Dewel, ko rai pral o bolepen un i phub.

Jeremia 9:24

Shunenn, penell o baro Dewel, ko tsiro well, kai dau hakenes i phagi, kai tchinlo hi ap peskro mass, un djiwell, har te wals lo gar tchinlo:

Ropaskre gilja 3:23

Haki tsalla hi menge leskro kamlepen un latchepen newes koi. Kowa hi jaake tchatcho, har o kham pre djal!

Joel 2:13

Tserdenn tumare djia an kotja un gar tumare ripja!” Un djan pale pash tumaro baro Debleste! Les hi i baro dji, pherdo kamlepen. Job well gar sik chojedo. Leskro latchepen hi baro. Un koi phagi, hoi kamas lo te dell, lell lo pale.

Jona 4:2

Kote rakras lo ap o baro Debleste un penas: “Ach, baro Dewel, kowa hi, hoi penom an ko tsiro, har khere homs. Doleske kamom sik an o them Tarsis krik te nashell. Me djinom, kai tu i latcho Dewel hal, un tut i baro dji hi. Tu weh gar sik chojedo. Un tiro latchepen hi baro. Un koi bibacht, kolah i menshen trad deh, khaitell tut pal kowa.

Micha 7:18

Kek Dewel hi har tu, kai lell o tchilatchepen krik, hoi mer kram, un kai bistrell koi doosh, hoi anam ap mende – mer, kai tire menshendar pral atcham. Tu atcheh gar chojedo pral mende hako tsiro, un kreh tiro dji pre menge.

Micha 7:20

Tu rikreh tiro lab, un mukeh o Jakobeskre tchawen gar. Kolenge, kai wenn pal o Abrahameste, hal tu latcho, jaake har penal kowa mare phurenge an o phuro tsiro, un dal tut sowel koi pre.

Nahum 1:3

O baro Dewel well gar sik chojedo. Les hi bari soor, un tchatchepah, hakeneste, kai doosh ap peste anas, dell job peskri phagi. Kote, kai o baro Dewel djal, phurdell i sorelo ducho. Un i wolke hi har koi tchik, hoi leskre pire pre witsrenn.

4. Mose 12:8

Jaake har rakrell i mensho i wawareha, rakrau me leha, an laba, kai lo mishto haiwella un gar an parmisse. Un job dikell man, o baro Debles, har hom. Hoske his tumen kek traash, te rakrenn djungeles pral o Mose, koles miro tchatcho wast hi?”

Johanni 1:17

O Mose das men kol laba, kai penenna, har mer djiwas. O Jesus Kristo anas menge o Debleskro latchepen un tchatchepen.

Remarja 2:4

Hi tuke o Debleskro baro latchepen tchi moldo? Les hi i baro dji un dell i menshen gar sik pre. Djineh tu gar o Debleskro latchepen, hoi kamell tut ap leskro drom te anell?

5. Mose 32:3

Sharau o baro Debles. Penenn halauter: Maro Dewel kokres hi baro!

5. Mose 4:31

O baro Dewel hi i Dewel, kai tumenge peskro dji pre krell. Job mukell tumen gar, un mukell tumen gar win te merell, un bistrell gar, hoi lo tumare phurentsa win kras.

5. Mose 5:10

Latchepen un kamlepen dau me ap kolende, hoi man o djijestar kamenn un krenn, hoi me penau. Ninna lengre tchawenge, kai pal lende wenna, hom latcho, jaake rah har serja familje jek pal i wawar djiwenn.

Jakobo 5:11

Kolla hi tchatchepah bachtelo, kai rikran soreles ap o Debleste. Tumer shunan, har rikras pes o Hiob soreles ap o Debleste, un tumer djinenna, hawo brawlepen o Dewel les lauter das. O Debles hi i baro dji i menshenge un hi lenge latches.