2. Mose 34:26 - O Debleskro Drom 2021 (Sinte)

²⁶ Hako bersh anenn o feteder halauterestar, hoi ap tumari phub bares was, an o Debleskro kheer! Job hi tumaro baro Dewel. Kerenn gar i terni busni an o thud lakro datar!

O Debleskro Lab 2024 (Sinte-Manouche)

²⁶ Hako bersh anenn o feteder halauterestar, hoy ap t'mari phoub bares vas, an o Debleskro kheer! Yob hi t'maro baro Devel. Kerenn gar i terni bouzni an o thoud lakro datar!

2. Mose 34:26 ပူးပေါင်းရင်းမြစ်များ

Nehemia 10:35

Mer anah hako bersh o kasht chatchepaske an maro Debleskro kheer, te nai well les chatchedo ap i chatchepaskri maro baro Deblestar, jaake har tchinlo hi an o Moseskro liil. Mer, i rashaja, i Levitarja un i wawar Israelitarja, witsrah tikne barra, te sikrenn le, koon mare familjendar an hawo tsiro kau kasht anell.

2. Mose 23:19

Tu aness o feteder halauterestar, hoi ap tiri phub bares was tiro baro Debleske an leskro kheer. Tu keress gar i terni busni an i thud peskri datar.

3. Mose 23:10

Pen ap i Israelitarja: Te wenn an ko them, hoi me tumen dau, un tumer tchinenn o newo djob tele un pandenn les khetne, palle anenn ko ersto pandepen newo djob glan o rashajeste.

3. Mose 23:14

Chan kek maro dran o newo djob, witar gar peklo djob oder terno djob, bis te anan tumaro Debleske leskro kotar kolestar. Kau lab hi tumenge un tumare tchawenge, kai pal tumende wenna, kanna un hako tsireske, kai tumer ninna djiwenna.

4. Mose 15:20

Dran ko ersto jarro hunte pekenn tumer leske i merkli.

Mateo 6:33

Mukenn o Debles o rai pral tumende te well, un krenn lauter, hoi job kamella! Un o Dewel dell tumen lauter, hoi tumen hunte well djipaske.

1. Korintarja 15:20

Ko tchatchepen hi: O Jesus Kristo hi o ersto, koles o Dewel i mulendar djido kras.

5. Mose 14:21

Tumer hunte chan kek mass i viechestar, hoi mules trujel tchiddo hi. I wi-themares, kai djiwell an tumaro foro, koles nai denn les, te chal job les. Ninna nai bikrenn les ap jekeste dran o wi-them. Tumer han menshe, kai hi o baro Debleske koi, kai tumaro Dewel hi. Tu keress gar i busjakro ternepen an o thud leskri datar.

5. Mose 26:10

Kanna anau ko ersto djob, hoi bares was an ko them, hoi o baro Dewel man das.” Palle tchiwess tu les glan tiro baro Debleste tele, un witsress tut tele glan leste, te mangess les an.

5. Mose 26:2

palle less tu ko ersto djob, hoi ap tiro phub bares was. Un tu tchiwess les an i korba un aness les pash koi platsa, kai job kamell, te well lo kote an-mangedo.

Jakobo 1:18

Job kamas, te wam mer leskre tchawe. Kolla wam, har menge leskro tchatcho lab penlo was. Jaake wam mer o feteder mank lauter, hoi o Dewel kras.