2. Mose 34:21 - O Debleskro Drom 2021 (Sinte)

²¹ Shob diwessa krenn tumari budi! Ap o eftato diwes krenn tchi! Kowa te well jaake hako tsireske, ninna ko tsireske, kai tumer budrenn ap tumaro kotar phub un kai tumer anenn o djob dren.

O Debleskro Lab 2024 (Sinte-Manouche)

²¹ Shob divessa krenn t'mari boudi! Ap o eftato dives krenn či! Kova te vell yaake hako tsireske, ninna ko tsireske, kay t'mer boudrenn ap t'maro kotar phoub oun kay t'mer anenn o djob dren.

2. Mose 34:21 ပူးပေါင်းရင်းမြစ်များ

1. Mose 45:6

Dui bersha bokan le an kau them. Un pantch bersha hi glan lende, kai tchiwrenn le nai kek djob an i phub, witar gar anenn le djob dren.

Nehemia 13:15

An kol diwessa dikom me an o them Juda menshen, kai ap o Debleskro diwes molengre drake stakran, un wawar, kai anan djob un tchiwan les ap burike, ninna mool, drake, faige un wawar koowa, un anan kowa an o foro Jerusalem. Un me rikrom len pre un dom len trad, te bikrenn le kowa gar ap ko diwes.

2. Mose 23:12

Shob diwessa budress tu! Ap o eftato diwes budress tu gar! Ninna tire grumja, tiri burika, tire budepangre un i wi-themarja, hoi pash tute hi, budrenn ap ko diwes gar, jaake te nai lenn le pale newi soor.

2. Mose 31:15

Shob diwessa budress tu. O eftato diwes kress tu tchi. Ko diwes hi o baro Debleske. Kowa, kai budrella, well mulo dino.

2. Mose 35:2

Shob diwessa krenn tumari budi! O eftato diwes hi o Debleskro diwes. Ap ko diwes krenn tchi! Ko diwes hi o baro Debleske. Koon ap kau diwes budrella, hunte merella.

Jesaja 30:24

Un kol grumja un burike, kai ap i hachetikri phub budrenn, kolla chan latcho chapen dran djoba, hoi khetne lino lenge glan tchiddo was.

3. Mose 23:3

Rikrenn o Debleskro diwes! Shob diwessa budrenn, ap o eftato diwes krenn kek budi! Ko diwes hi o baro Debleske. Ap leste awenn khetne glan leste! Ap kau diwes krenn kek budi, kai tumer ninna djiwenna!

Louka 13:14

Koi choiras pes ko pralstuno an i biboldengri kangri, kai o Jesus koi djuwjat ap o Debleskro diwes sasto kras. Un kowa penas ap i menshende: “Mer hunte budras shob diwessa. Awenn an kolla diwessa, te mukenn tumen sasto te krell, un gar ap o Debleskro diwes!”

Louka 23:56

Un jon djan an o foro pale, un kran kutch djet, hoi mishto sungella, te makenn le les dren. Ap o Debleskro diwes kran le kek budi, jaake har kowa pash i biboldende hi.

5. Mose 21:4

un anenn lat tele an i telstuno them, kai i pani nashell, un hoi kek hachetikri phub hi, un kote phagenn le koi terni grumjake i meen.

1. Samuel 8:12

Hi sawe mank lende, kolendar krell lo pralstune pral peskre lurdende: pral jek sero (1.000) un ninna pral paash-sheel (50). Tumare mursh tchawe hunte budrenn ap leskro kotar phub un anenn leskro djob dren, hoi bares was. Ninna hunte krenn le leskre chare, un kol kotja, kai leskre wurdja dran kerdo wenna.