2. Mose 34:18 - O Debleskro Drom 2021 (Sinte)

¹⁸ Ma bistrenn kol bare diwessa, kai chan kek maro dran shutlo jarro. An o tchon Abib chan efta diwessa kek maro dran shutlo jarro jaake har me tumenge penom! An ko tchon djan tumer win dran o them Egiptia.

O Debleskro Lab 2024 (Sinte-Manouche)

¹⁸ Ma bistrenn kol bare divessa, kay rhan kek maro dran shoutlo yarro. An o čon Abib rhan efta divessa kek maro dran shoutlo yarro yaake har me t'menge penom! An ko čon djan t'mer vin dran o them Egiptia.

2. Mose 34:18 ပူးပေါင်းရင်းမြစ်များ

2. Mose 12:2

“Kawa tchon well tumenge o ersto tchon an o bersh.

2. Mose 12:42

Koja rat, kai o baro Dewel kokres ap lende garda das, te lell lo len win dran o them Egiptia, kaja rat hunte well o baro Debleske an hako bersh. An kaja rat hunte atchenn i Israelitarja pre, te sowenn le gar. Jaake sharenn le o baro Debles.

2. Mose 13:3

Un o Mose penas ap i tsele menshende: “Kau diwes an o tchon Abib djan tumer win dran o them Egiptia. Kote, kai tumer pandle budepangre hans, las tumen o baro Dewel peskro sorelo wasteha win. Rikrenn kau diwes an tumare shere! Un chan kek shutlo maro!

2. Mose 23:14

Triin kope an o bersh rikress tu mange bare diwessa dren:

2. Mose 23:15

kol bare diwessa, kai chah tu efta diwessa ko maro, an koleste kek shutlo jarro dren hi. Kol diwessa rikress tu an o tchon Abib. Kowa kress tu, te bistress gar, te nashal an ko tchon dran o them Egiptia. Un ab gar an o Debleskro kheer, te hi tchi an tiro wast, hoi tu leske aneh!

3. Mose 23:6

Un o 15. (deesh-te-pantchto) diwes ninna an ko tchon, hi ko ersto diwes kol diwessa, kai hunte chan kek maro dran shutlo jarro. Efta diwessa chan tumer kek maro, an koleste shutlo jarro hi.

4. Mose 28:16

Ap o deesh-te-starto diwes an o ersto tchon hi ko diwes, hoi hi o baro Debleske, un hoi kharell Passa.

4. Mose 28:17

Un ap o deesh-te-pantchto diwes ninna an ko tchon, hi ko ersto diwes kol efta diwessa, kai hunte chan kek maro dran shutlo jarro.

Markus 14:1

His dui diwessa glan kol bare diwessa, kai kharenna Passa un glan kol diwessa, kai chan i bibolde kek shutlo maro. Un kol bare rashaja un kol biboldengre tchatchepangre rodan i latcho tsiro, te taprenn le o Jesuses tchorchanes, te marenn le les.

Louka 22:1

His glan kol diwessa, kai i bibolde kek maro chan, kai shutlo jarro dren hi. Kol diwessa kharenna Passa.

Bičepangre 12:3

Har o Herodes haiwas, kai kowa mishto his an i biboldengre jaka, mukas job ninna o Petres te taprell. Kowa his an ko tsiro, kai chan i bibolde kek shutlo maro.