2. Mose 34:14 - O Debleskro Drom 2021 (Sinte)

¹⁴ Mangenn kek wawar Debles an! Me, o baro Dewel, kamau, te kamenn man kokres. Me kamau kokres te wap tumaro Dewel.

O Debleskro Lab 2024 (Sinte-Manouche)

¹⁴ Mangenn kek vavar Debles an! Me, o baro Devel, kamau, te kamenn man kokres. Me kamau kokres te vap t'maro Devel.

2. Mose 34:14 ပူးပေါင်းရင်းမြစ်များ

1. Rajengro liil 14:15

Un o baro Dewel dell i menshende Israel dawa, te trissenn le, har trissell i shilftikro khass an o pani. Un o baro Dewel tserdell i Israelitarjen win dran kau latcho them, hoi das job lengre phurende. Un i Israelitarja wenn tradedo ap i wawar rig o panjestar Eufrat. Jon choiran o baro Debles, har kran le penge sawe figure, hoi sikrenn i debletsa Ashera.

1. Rajengro liil 19:10

Un job penas: “Tu, baro Dewel un rai pral o bolepen un i phub, me budrom tuke miro tselo djijeha. Tire menshe Israel krenn buder gar, hoi tu lentsa win kral. I pre-tchidde barra, kai tuke vieche chatchedo wan, dan le khetne, un tire rakepangren maran le o chareha. Un me kokres atchom djido. Un jon kamenn man ninna te marell.”

2. Mose 33:19

“Mishto”, penas o baro Dewel: “Me kamau glan tute te djal, te dikess tu miro tselo latchepen. Un miro lab ‘Baro Dewel’ rakrau me glan tute win. Me hom latcho koneske, kones me kamau. Un krau miro dji pre koneske me kamau.

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Jesaja 9:6

I rajeskri soor, hoi les hi, well baro un bareder. Un an kek tsiro dell tchingepen. Job well beshdo ap o Davideskri beshepaskri, un hi i rai, kai krell o tchatchepen jaake win, har o Dewel kamell un mishto hi kanna un hako tsireske. O baro Dewel, ko rai pral o bolepen un i phub, krell kowa lauter. Jaake las lo pes kowa soreles glan.

Ezekiel 23:25

Me hom jaake chojedo ap tumende, te mukap len tuha choljah trujel te djal. Tiro nak un tire kanda tchinenn le tuke tele. Un kolla, kai tutar djido atchenn, wenn o chareha mulo dino. Tire mursh tchawen un tire tchen lenn le tutar. Un kowa, hoi tutar pral atchell, well an i jag chatchedo.

Nahum 1:2

O baro Dewel hi i Dewel, kai kamell, te mangenn i menshe kek wawar debles an har les kokres. Leskri choli well pral kolende, kai hadenn pen pral leste. Kolen, kai kamenn lestar tchi te djinell, dell job i phagi. Un bistrell gar, hoi jon ap leste kran.

Mateo 4:10

Koi penas o Jesus ap leste: “Dja tuke mandar, tu beng! An o Debleskro lab hi tchinlo: Tu mangess o Debles an, – job hi tiro rai, – un wess leske kokres koi!”

1. Korintarja 10:22

Ma choirenn o Debles! Mer ham gar sorleder har job.

5. Mose 29:20

Job tchiwell les infam, te hi lo kek Israelitari buder. Un ap leste well koi bibacht, hoi koles taprell, kai tel o praassepen hi doleske kai rikras lo pes gar ap kowa, hoi peskro baro Dewel leha win kras, jaake har an kau tchatchepaskro liil tchinlo hi.

5. Mose 32:16

O Debleskre menshe nashan wawar deblen palla, un dukan pengro Debles. Ko djungelo koowa, hoi le kran, kras les chojedo.

5. Mose 32:21

Jon dukan un choiran man, har mangan le kolen an, kai kek debla hi. Jaake kamau me les ninna lentsa te krell, un lau mange wawar menshen, te silwerenn le un choirenn pen pral menshende, kai prindjran man gar.

5. Mose 4:24

Job hi i soreli jag, hoi halauter pre chatchrell, un kamell, te kamenn tumer les kokres.

5. Mose 5:24

un penan: “Dik, maro baro Dewel sikras men peskro railepen un barepen. Un mer shunam leskro rakepen dran i jag win. Kau diwes haiwam mer, te rakrell o baro Dewel i menshentsa, un o jon atchenn djides.

5. Mose 5:7

Un tut well kek wawar Dewel har man.

5. Mose 6:15

Tiro baro Dewel hi mank tumende un kamell te kamess les kokres. Te rikreh gar pash leste, well leskri choli pral tute, un job lell tut krik i phubjatar.

Josua 24:19

Kote penas o Josua ap i tsele menshende: “Kowa nai wals tumenge phares, o baro Debleske koi te well. Kek wawar dewel hi har job hi. Un job kamell tumendar, te mangenn les kokres an. Te djan tumer leskro dromestar tele un hadenn tumen pral leste, bistrell lo kowa gar.

Čačepangre 6:10

Un me penom tumenge: Me, o baro Dewel, hom tumaro Dewel. Ma mangenn kol deblen an, hoi i Amorarja an-mangenn, an kolengro them tumer djiwenn. Un tumer shunan gar ap mande.’”