2. Mose 33:7 - O Debleskro Drom 2021 (Sinte)

⁷ Hako kopo, kai djan i Israelitarja ap i wawar platsa, tchiwas o Mose o plachteno kheer pre win glan koi platsa, kai i menshe hi. Job penas: “Kowa hi ko kheer, kai o baro Dewel tumentsa khetne well.” Hako Israelitari, kai kamas o baro Deblestar tchomone te putchell, hunte djas kote.

O Debleskro Lab 2024 (Sinte-Manouche)

⁷ Hako kopo, kay djan i Israelitarya ap i vavar platsa, čivas o Mose o plarhteno kheer pre vin glan koy platsa, kay i menshe hi. Yob penas: “Kova hi ko kheer, kay o baro Devel t'mentsa khetne vell.” Hako Israelitari, kay kamas o baro Deblestar čomone te poučell, hounte djas kote.

2. Mose 33:7 ပူးပေါင်းရင်းမြစ်များ

2. Samuel 21:1

An ko tsiro, kai o David djiwas, was i bari bok pral o them, un i menshen his triin bersh tchi te chal. Un o David putchas o baro Deblestar, hoske kowa jaake hi. Un o baro Dewel penas: “Ap o Saul un ap leskro kheer hi i rateskri doosh tchiddo, doleske, kai o Saul das kol Gibeonarjen mulo.”

Debleskri gili 10:1

Baro Dewel, hoske hal tu jaake dur mandar krik? Hoske khatreh tu tut mandar an o tchilatcho tsiro?

Debleskri gili 27:8

Tire laba wan mange an o shero, hoi tu penal: “Awenn pash mande!” Doleske wau pash tute.

Debleskri gili 35:22

Baro Dewel, tu dikal kowa. Rike tut gar pale, rake! Miro rai, ma ab kanna dur mandar krik!

2. Mose 18:12

Un o Jetro las i viecho, hoi job o Debleske maras un tseles chatchras, un ninna wawar vieche, hoi job maras, te chan le len khetne glan o Debleste. Un o Aron un i tsele phureder dran Israel wan un chan khetne o Moseskri romjakro dadeha kote, kai jon o Debles an-mangan.

2. Mose 18:7

Kote djas o Mose win pash leste, djas ap i tchanga glan leste un tchumras les. Un jon putchan jek o wawarestar, har lenge djala.

2. Mose 33:6

Jaake tchiwan i Israelitarja pengro sonakai un rup tele, har his le pash i berga Horeb.

2. Mose 33:8

Hako kopo har djas o Mose win pash o Debleskro plachteno kheer, stan i tsele Israelitarja pre un djan an i wudja glan lengre plachtene khera, un atchan koi tardo. Jon dikan o Moseske palla, har job pash o Debleskro plachteno kheer djas.

Gosewe laba 15:29

O baro Dewel hi dur krik kolendar, kai tchilatcho hi. Job shunell kowa, hoi kolla lestar mangenna, kai an o tchatchepen tardo hi.

Jesaja 59:2

Na-a, tumari doosh, hoi ap tumende lan, hi tardo mank tumende un tumaro Debleste. Dran ko tchilatchepen, hoi kran, khatrell lo peskre jaka tumendar, un doleske shunell job gar.

Hosea 9:12

Ninna te tserdenn le pengre tchawen bares, lau len lendar pale krik. Kek lendar atchell djido. Hawi bibacht well pral lende, me te tserdau man lendar krik!

5. Mose 4:29

An kol themma rodenn tumer palle o baro Debles, kai tumaro Dewel hi. Te putchenn pal leste tumaro tselo djijeha un tumari tseli sorjah, hatsenn tumer les.

Hebrearja 8:2

Kote budrell lo o Debleske an o tchatcho Debleskro kheer, hoi kras o Dewel, un kek mensho.