2. Mose 33:22 - O Debleskro Drom 2021 (Sinte)

²² Te djau me an miro railepen glan tute, tchiwau me tut mank i bare barra, un rikrau miro wast pral tute, bis te djom dureder.

O Debleskro Lab 2024 (Sinte-Manouche)

²² Te djau me an miro raylepen glan toute, čivau me tout mank i bare barra, oun rikrau miro vast pral toute, bis te djom doureder.

2. Mose 33:22 ပူးပေါင်းရင်းမြစ်များ

1. Rajengro liil 19:9

Kote djas lo an i grotta, un kamas pral i rati kate te sowell. Ap jek kopo shunas lo i rakepen. Un o baro Dewel putchas lestar: “Hoi kameh tu kate, Elija?”

Debleskri gili 18:2

Un job penas: Baro Dewel, miro tselo djijestar kamau tut. Tu kreh man soreles.

Debleskri gili 91:1

Kowa, kai beshell tel o wast o Deblestar, ko pralstunestar, un atchell pash leste, ko sorelo Debleste,

Debleskri gili 91:4

Har i kachni peskre ternen tel leskre mussja khatrell, jaake khatrell o Dewel tut tel leskre sorele mussja. Kote nai djal tuke tchi. Job rikrell tut jaake har lo penas. Doleske nai well kek tchilatchepen ap tute.

Kamlepaskri gili 2:3

Har i phabjengro ruk mank i diwje ruka an o weesh, jaake hi miro pirno mank i terne murshende. Bachteles hom beshdo an leskro shatto, un leskre phabja hi gudlo mange.

Jesaja 2:21

Un jon khatrenn pen mank i bare barra un an i barrengre grotte i darjatar o baro Deblestar un leskro railo barepen, te stell lo pre, te anell lo i traash pral i phub.

Jesaja 32:2

Un hakeno lendar hi har i kheer, kai jek nai khatrell pes glan i baro phurdepen, un glan i baro sorelo brishin. Awa, jon hi har i panja an i mulo them, un har i baro bar pal koleste jek pes khatrell, te chatchell o kham tele an i tato them.

Jesaja 49:2

Job kras miro rakepen har i charo, hoi mishto tchinell, un khatras man tel peskro wast. Un job kras mandar i failo, hoi dell mishto tchurje, un rikrell man khatedo har i faile an lengri possita.

Jesaja 51:16

Un me tchiwom mire laba an tiro mui, un rikrau mire wasta pral tute. Me hom kowa, kai krom o bolepen buchles pral i phub un tchiwom i phub pre. Un me penau ap i menshende an o foro Zion: Mire menshe han tumer!

1. Korintarja 10:4

Un jon pijan lauter ko jek pipen, kai was o Deblestar. Jon pijan ko pani, kai was dran i baro bar win, kai lentsa djas. Ko bar his o Jesus Kristo.

2. Korintarja 5:19

O Dewel his an peskro tchaweste, o Jesus Kristeste, un kras, te nai wenn i menshe leha khetne. Lengri doosh las lo lendar krik. Jaake was kowa krik lino, hoi his mank lende un o Debleste tardo. Mende das lo kai budi, te penas kal latche laba i menshenge.

5. Mose 33:12

Ap o kheer Benjamin penas lo: Tu hal kowa, koles o baro Dewel peskro tselo djijeha kamell, un peskre wasta pral leste rikrell! O tselo diwes dell lo ap tute jak, un djiwell mashkral tute.