2. Mose 33:1 - O Debleskro Drom 2021 (Sinte)

¹ O baro Dewel penas ap o Moseste: “Djan dureder, tu un kol menshe, kolen tu dran o them Egiptia win anal. Djan an ko them, kai me man sowel dom glan o Abraham, o Isaak un o Jakob un lenge penom: ‘Tumare tchawen dau me kau them.’

O Debleskro Lab 2024 (Sinte-Manouche)

¹ O baro Devel penas ap o Moseste: “Djan doureder, tou oun kol menshe, kolen tou dran o them Egiptia vin anal. Djan an ko them, kay me man sovel dom glan o Abraham, o Isaak oun o Yakob oun lenge penom: T'mare čaven dau me kava them.

2. Mose 33:1 ပူးပေါင်းရင်းမြစ်များ

1. Mose 12:7

Un o baro Dewel mukas pes o Abramestar te dikell, un penas ap leste: “Tire tchawen un kolengre tchawen un lauteren, kai pal tute wenna, kolen kamau kau them te dell.” Koi kras o Abram i chatchepaskri o baro Debleske, kai wenn vieche leske chatchedo – kote, kai o Dewel mukas pes lestar te dikell.

1. Mose 15:18

Jaake das o baro Dewel o Abrameste ap ko diwes peskro lab, un penas: “Tire tchawen, kai tutar wenna, dau me kau them mank o lengsto pani o themestar Egiptia un o baro lengsto pani Eufrat.

1. Mose 26:1

His i tsiro, kai was i bari bok an o them, jaake har an o Abrahameskro tsiro. Doleske djas o Isaak an o foro Gerar pash o Abimelech. Kowa his o baro rai pral i Filistarja.

1. Mose 26:3

Atch i tsiro an kau them. Me hom pash tute, te tchiwap miri soor un miri bacht ap tute. Kalla tsele themma dau me tut un tire tchawen, kai pal tute wenna. Me rikrau miro lab, hoi dom tiro dadeste Abraham, un kai dom miro wast koi pre.

1. Mose 28:10

O Jakob djas dran ko foro Beersheba un kras pes ap ko drom, kai djal an o them Haran.

1. Mose 50:24

Un o Josef penas ap peskre phralende: “Me merau kanna. O Dewel dikella latches ap tumende, un anell tumen dran kau them win, an ko them, kai job peskro wast pre das, te dell lo les o Abrahameste, o Isaakeste un o Jakobeste.”

2. Mose 17:3

Un lengri trush was jaake baro, te penan le i choljatar ap leste: “Hoske lal tu men dran o them Egiptia win? Kameh, te meras mer kate i trushatar, mer un mare tchawe un mare vieche?”

2. Mose 32:1

Har dikan i menshe, kai o Mose i rah tsiro krik atchas, un gar buder koi berga tele was, wan le khetne pash o Aron un penan ap leste: “Dja, kre menge i dewel, kai djal glan mende! Mer djinah gar, hoi ko Moseha djas, kai anas men dran o them Egiptia win.”

2. Mose 32:13

Ma biste tire budepangren, o Abraham, o Isaak un o Jakob! Kolenge dal tut sowel un penal: ‘Me mukau tumare tchawen budeder te well har i momlia an o bolepen. Kau tselo them, kai me penom, te well lo tumaro, dau tumare tchawende, te djiwenn le kote hako tsireske.’”

2. Mose 32:34

Un kanna dja pale! An kol menshen an ko them, kai me rakrom lestar. Miro bolepaskro djal glan tute. Te well miro tsiro, dau i Israelitarjen pengri phagi.”

2. Mose 32:7

O baro Dewel rakras ap o Mose: “Naash, dja tele, tire menshe, kai tu dran o them Egiptia win anal, kran djungelo koowa.

3. Mose 20:24

Tumenge penau: Lengro them dau tumende, te well lo tumaro. Kowa hi i them, kai bud thud un gwin hi. Me, o baro Dewel, hom tumaro Dewel, un rodom tumen mange dran i wawar themma win.

4. Mose 11:12

Hi kalla halauter mire tchawe? Wan jon mandar boldo? Har nai peneh tu ap mande: Hidje len an tire mussja, har i djuwel, kai hidjrell i ternepen, te anap len an ko them, kolestar penal lengre phurenge, te dess ko them lenge?

Bičepangre 7:36

Kau Mose anas i Israelitarjen win un kras baro un sorelo koowa an o Debleskri soor an o them Egiptia, un pash o lolo pani, un star-deesh bersha an o mulo them.

5. Mose 1:8

Kau tselo them tchiwom me glan tumende, djan tumer koi, un lenn les tumenge dren! Kowa hi ko them, kolestar o baro Dewel tumare phurende, o Abrahameste un o Isaakeste un o Jakobeste pes sowel das, te dell lo les lende un lengre tchawende un kolende, kai pal lende wenna.