2. Mose 32:6 - O Debleskro Drom 2021 (Sinte)

⁶ Un jon stan taissarlakro pre un maran viechen, un chatchran len ko debleske, hoi kran le penge. Ninna wawar viechen anan le pashel, te chan le len khetne. Un jon beshan pen, te chan le un te pijenn le. Un jon stan pre un khelan.

O Debleskro Lab 2024 (Sinte-Manouche)

⁶ Oun yon stan taysarlakro pre oun maran firhen, oun rhačran len ko debleske, hoy kran le penge. Ninna vavar firhen anan le pashel, te rhan le len khetne. Oun yon beshan pen, te rhan le oun te piyenn le. Oun yon stan pre oun khelan.

2. Mose 32:6 ပူးပေါင်းရင်းမြစ်များ

2. Mose 32:5

Har dikas kowa o Aron, kras job i chatchepaskri glan ko gurum, te chatchrenn le viechen leske koi pre, un mukas wi-gole te dell: “Taissar hi i baro diwes, kai sharah o baro Debles!”

Amos 2:8

Ap hake platse, kai o Dewel sharedo well, sowenn le ap koola, hoi lan le i tchorwelenge krik, kai sijaan pash lende hi. Un an o kheer lengro Deblestar pijenn le mool, hoi lan le kolendar, kai sijaan pash lende hi.

Amos 8:10

Tumare bare diwessa, kai hans bachtelo, wenn kanna diwessa, kai denn gole i bibachtjatar. Un tumare gilja wenna ropangre gilja. Tumer riwenn tumen an gone, un tchinenn tumare tsele balla ap o shero tele. Un han jaake har i dad un i dai, kai pral pengro tchaweste rowenn, kai meras, un len hi kek wawar tchawe. Un lauter, hoi djal an ko diwes, krell i menshenge bari daar.

4. Mose 25:2

Kolla kaman, te wenn i Israelitarja lentsa, te anenn jon viechen pengre deblenge. Un i Israelitarja wan lentsa un chan ko massestar un mangan kolengre deblen an.

1. Korintarja 10:7

Ma mangenn wawar koowa an har o Debles! Mank kolende an o phuro tsiro his sawe, kai kran kowa. An o Debleskro lab hi tchinlo: Jon beshan tele, te chan le un pijan le un stan pre, te khelenn le glan o sonakaskro viecho.

Debleskro tsiro 11:10

I menshe ap i phub hi bachtelo, un giwenna un khelenna. Un jek bitchrell o wawareske shukar koowa. Jaake bachtelo hi le, te hi kol dui Debleskre rakepangre mulo, kai dukran kolen, kai ap i phub djiwenna.