2. Mose 32:5 - O Debleskro Drom 2021 (Sinte)

⁵ Har dikas kowa o Aron, kras job i chatchepaskri glan ko gurum, te chatchrenn le viechen leske koi pre, un mukas wi-gole te dell: “Taissar hi i baro diwes, kai sharah o baro Debles!”

O Debleskro Lab 2024 (Sinte-Manouche)

⁵ Har dikas kova o Aron, kras yob i rhačepaskri glan ko gouroum, te rhačrenn le firhen leske koy pre, oun moukas vi-gole te dell: “Taysar hi i baro dives, kay sharah o baro Debles!”

2. Mose 32:5 ပူးပေါင်းရင်းမြစ်များ

1. Rajengro liil 21:9

Un an i lila his tardo: “Kharenn i tsiro win, kai chan tumer tchi! Un anenn i tsele menshen an o foro khetne, un mukenn o Nabotes glanstunes te beshell!

2. Rajengro liil 10:20

Un o Jehu penas: “Denn win gole, te well i baro diwes, kai wenn vieche maredo o debleske Baal, te well job sharedo!” Un kau lab was win gole dino.

2. Rajengro liil 16:11

Un o rashai Urija kras sawi chatchepaskri har les kol bitchepangre sikran, kolen o baro rai Ahas dran Damaskus pash leste bitchras. Un koi chatchepaskri his kerdo, har o baro rai Ahas dran o foro Damaskus pale was.

2. Familjakro liil 30:5

Un jaake kran le win, te well win gole dino an o tselo them Israel, fun Beersheba bis Dan, te wenn le an o foro Jerusalem, un rikrenn o Passa o baro Debleske, kai o Israeleskro Dewel hi. An kol wawar bersha nai rikran bud lendar les gar jaake har glan-tchinlo was.

2. Mose 10:9

Un o Mose penas: “Mer djah i ternentsa un i phurentsa, mare tchawentsa un tchentsa. Ninna mare bakre, busja un grumja lah mentsa. Mer kamah maro baro Debles te sharell un leske viechen te marell.”

2. Mose 12:14

Bistrenn kau diwes gar! Krenn lestar i baro diwes, kai sharenn o baro Debles, tumer un tumare tchawe, kai wenna pal tumende! Hako bersh well kawa jaake pash tumende kerdo kanna un hako tsiro.

2. Mose 17:15

Un o Mose kras i chatchepaskri o Debleske, te wenn kote vieche chatchedo o Debleske, un das koi chatchepaskri o lab ‘O baro Dewel krell man soreles an o kurepen’.

2. Mose 32:4

Un job las len dran lengre wasta, un tchiwas len an i jag, un kras i dewel, hoi dikas win har i terno gurum. Un jon penan: “Kawa hi tiro Dewel, Israel, kowa, kai tut dran o them Egiptia win anas.”

2. Mose 32:6

Un jon stan taissarlakro pre un maran viechen, un chatchran len ko debleske, hoi kran le penge. Ninna wawar viechen anan le pashel, te chan le len khetne. Un jon beshan pen, te chan le un te pijenn le. Un jon stan pre un khelan.

Hosea 8:11

I menshe an o them Efrajim kran penge bud chatchepangre, kai chatchran le tchomone, te well lengri doosh krik lino. Un jaake kran le, te was lengri doosh gomme bud un budeder.

Hosea 8:14

I Israelitarja bistran koles, kai kras len. Jon krenn penge bare shukar khera. Un i menshe an o them Juda krenn penge sorele forja. Me, o baro Dewel, witsrau i jag an lengre forja, hoi lengre khera pre chatchrell.

3. Mose 23:2

Pen ap i Israelitarja: Kalla hi i bare diwessa, kai wenn tumer khetne, te well o baro Dewel sharedo.

3. Mose 23:21

Denn win gole, te wenn khetne ap kau diwes o baro Debleske. Kek budi hunte krenn tumer ap ko diwes. Kau lab hi tumenge un tumare tchawenge, kai pal tumende wenna, kanna un hako tsireske, kai tumer ninna djiwenna.

3. Mose 23:37

Kalla hi kol bare diwessa, kai hunte wenn tumer khetne glan o baro Debleste, te anenn leske viechen un chapen, jaake har hako diweske glan tchinlo hi: sawe vieche, kai tseles chatchedo wenn, un sawe, kolen chan tumer khetne glan o baro Debleste, ninna chapen dran djob, un mool, hoi glan leste win tchoredo well.

3. Mose 23:4

Kalla hi i bare diwessa, kai wenn tumer khetne, te well o baro Dewel sharedo. Denn kal diwessa win gole ap pengro tsiro.

1. Korintarja 5:8

Un jaake har tchiwan jon ko shutlo jarro krik un chan sau maro, kai kek shutlo jarro dren his, jaake hunte djiwas mer maro newo djipen an o djudjepen un an o tchatchepen. Mer hunte mukas maro phuro djipen, un djiwas buder gar an o tchilatchepen.

1. Samuel 14:35

Kowa his o ersto kopo, kai kras o Saul o baro Debleske i chatchepaskri.