2. Mose 32:17 - O Debleskro Drom 2021 (Sinte)

¹⁷ O Josua, kai his pash o Moseste, shunas har i Israelitarja gole dan, un penas ap o Moseste: “I menshe denn bari gole, har te kurans le pen.”

O Debleskro Lab 2024 (Sinte-Manouche)

¹⁷ O Yosua, kay his pash o Moseste, shounas har i Israelitarya gole dan, oun penas ap o Moseste: “I menshe denn bari gole, har te kourans le pen.”

2. Mose 32:17 ပူးပေါင်းရင်းမြစ်များ

1. Familjakro liil 7:27

koleskro tchawo, o Nun, un koleskro tchawo, o Josua.

Hiob 39:25

Hako kopo, kai shunell lo i phurdepaskri, dell lo pre gole: Hui-i! Un sungell o kurepen fun dural – koi kurepaskri gole i lurdendar un lengre pralstunendar.

Debleskri gili 47:1

I gili o rajeske pral i gipangre. Kai gili hi jekestar dran i familja Korach.

2. Mose 17:9

Un o Mose penas ap o Josua: “Rode menge mursha win un dja lentsa an o kurepen un denn i Amalekarja! Taissar kamau me man ap koi berga tardo te tchiwell, o Debleskro kasht an miro wast.”

2. Mose 24:13

Koi djas o Mose pre ap o Debleskri berga. Leskro budepaskro Josua djas leha.

2. Mose 32:16

Kol barra kras o Dewel kokres un tchinas kol laba dren.

2. Mose 32:18

Koi penas o Mose leske: “Kaja hi kek gole, har pal i kurepen, kai wans le i sorleder, witar kek gole, har te nashans le penge. Me shunau i gole, har te giwenn le un khelenn le.”

2. Mose 32:6

Un jon stan taissarlakro pre un maran viechen, un chatchran len ko debleske, hoi kran le penge. Ninna wawar viechen anan le pashel, te chan le len khetne. Un jon beshan pen, te chan le un te pijenn le. Un jon stan pre un khelan.

Jeremia 51:14

O baro Dewel, ko rai pral o bolepen un i phub das pes sowel pash peste: Tchatchepah, me anau bud lurden an tiro foro – jaake bud har stepangre! Un jon denn bari gole i bachtjatar, te lenn le tiro foro dren.

Amos 1:14

Me bitchrau i jag ap i foreskre massurja o forestar Rabba, hoi chatchrell leskre sorele khera tele, ap ko diwes, kai well o kurepaskri gole dino, un o kurepen win phagell har i baro phurdepen.

Amos 2:2

Me bitchrau i jag an o them Moab, un chatchrau kol sorele khera tele an o foro Kerjot. I menshe an o them Moab merenna an o diwjo kurepen pash i gole, hoi i lurde un i phurdepangre denna.

Josua 6:10

O Josua penas i lurdenge: “Ma denn i kurepaskri gole! Un kek tumendar well shunlo. Kek lab well dran tumaro mui bis ap ko diwes, kai me ap tumende penau: ‘Kanna denn i kurepaskri gole!’ Palle denn i kurepaskri gole!”

Josua 6:16

Un har le o eftato kopo trujel djan, un i rashaja an i phurdepangre phurdan, koi penas o Josua i murshenge: “Kanna denn i kurepaskri gole! O baro Dewel das tumen kau foro.

Josua 6:20

Koi phurdan i rashaja an i phurdepangre. Un har i mursha i phurdepangre shunan, dan le i kurepaskri gole. Koi peran i pre-tchidde barra trul o foro an pende khetne. Un i tsele lurde djan haki rigjatar pre an o foro. Jaake lan le o foro dren.

Josua 6:5

Te shunenn i lurde, har i rashaja lengsto an pengre phurdepangre phurdenn, hunte denn le halauter i bari kurepaskri gole. Palle perenn i pre-tchidde barra trul o foro an pende khetne. Un i tsele lurde nai djan haki rigjatar an o foro dren.”

Čačepangre 15:14

Un har lo an o foro Lehi was, dan i Filistarja bari gole i bachtjatar. Un o baro Debleskro ducho was pral leste. Un kol shelle trul leskre mussja wan har laintikre thaba, ap kolende jag was, un peran tele.

1. Samuel 17:20

Kote stas o David sik taissarlakro pre, un mukas i wawares ap i bakre jak te dell. Un las ko tselo chapen peha, un djas koi, jaake har o Isai leske penas. Un was pash koi lurdengri platsa ap ko tsiro, har i tsele lurde win djan hakeno ap peskri platsa o marepaske. Un jon dan i bari kurepaskri gole.

1. Samuel 17:52

Un i tsele lurde dran Israel un dran Juda djan glan, dan i bari kurepaskri gole, un lan kol Filistarja palla jaake dur, bis te wan le pash o foro Gat un glan i bare wudja o forestar Ekron. Un i mule Filistarja his tchiddo ap o drom mank Shaarajim un Gat un Ekron.