2. Mose 32:1 - O Debleskro Drom 2021 (Sinte)

¹ Har dikan i menshe, kai o Mose i rah tsiro krik atchas, un gar buder koi berga tele was, wan le khetne pash o Aron un penan ap leste: “Dja, kre menge i dewel, kai djal glan mende! Mer djinah gar, hoi ko Moseha djas, kai anas men dran o them Egiptia win.”

O Debleskro Lab 2024 (Sinte-Manouche)

¹ Har dikan i menshe, kay o Mose i rah tsiro krik ačas, oun gar bouder koy berga tele vas, van le khetne pash o Aron oun penan ap leste: “Dja, kre menge i devel, kay djal glan mende! Mer djinah gar, hoy ko Moseha djas, kay anas men dran o them Egiptia vin.”

2. Mose 32:1 ပူးပေါင်းရင်းမြစ်များ

1. Mose 19:14

Koi djas o Lot win, un penas ap kol murshende, kai romedinerenn leskre tchen: “Stenn pre! Djan sik dran kau foro! O baro Dewel kamell lauteren an kau foro temerl dell!” An lengre jaka his job har jek, kai rakrell narwelo koowa.

1. Mose 21:26

Koi penas o Abimelech: “Me djinau gar, koon kowa kras. Mange was tchi penlo, gar tutar, witar gar i wawarendar. Kau diwes shunau kowa o ersto kopo.”

1. Mose 39:8

Job kamas kowa gar un penas ap late: “Dik, miro rai dikell ap tchi an peskro kheer, jaake rah har me koi hom. Lauter krau me. Un hoi les hi, das job an miro wast.

1. Mose 44:15

Un o Josef penas ap lende: “Hawo tchilatcho koowa kran tumer? Djinenn gar, kai i rom har man, durkrell nai?”

1. Mose 44:4

Har jon gar dur glan o foro his, penas o Josef ap koleste, kai ap leskro kheer garda das: “Le sik kol murshen palla! Te tapreh len, pen ap lende: Hoske kran tumer tchilatcho koowa ap miro rajeste? Job his latcho ap tumende.

Debleskri gili 106:19

Pash i berga Horeb kran le penge i sonakaskri terni grumni, witsran pen glan late tele un mangan lat an.

2. Mose 13:21

O baro Dewel djas glan lende ap o diwes an i bari wolka, te anell lo len ap o tchatcho drom, un rati an i bari jag, te well lenge i momeli, jaake te nai djan le ap o diwes un ninna an i rat.

2. Mose 14:11

Un jon penan ap o Moseste: “Lal tu men doleske kai an o mulo tato them, te meras kate? His an o them Egiptia kek phub, te was mer paskedo? Hoske kral tu kowa, un lal men dran o them Egiptia win?

2. Mose 16:3

Un jon penan: “Wals feteder, te dals men o baro Dewel mulo an o them Egiptia, har hams beshdo pash i pirja pherdo mass, un kai his men doha maro, te nai cham men tchalo. Tumer anan men kate an o mulo tato them, te meras halauter i bokatar.”

2. Mose 20:23

Doleske krenn tumenge kek wawar debles, kek dran rup, witar kek dran sonakai.

2. Mose 24:12

Un o baro Dewel penas ap o Moseste: “Ab pash mande ap i berga pre un atch kote, te dap tut kol barra, kai tchinom mire laba dren, te sikrap mire menshende, har te djiwenn le, te djinenn jon, hoi te krenn un hoi te krenn gar.”

2. Mose 24:18

O Mose djas mashkral dren an koi wolka, un djas dureder pre ap i berga, un atchas star-deesh diwessa un star-deesh ratsja pral ap koi berga.

2. Mose 32:11

O Mose mangas o baro Debles, kai leskro Dewel his, un penas: “Baro Dewel, tiro sorelo wasteha anal tu tire menshen dran o them Egiptia win, un sikral tiri tseli soor. Hoske kameh tu len kanna an tiri choli temerl te dell?

2. Mose 32:22

O Aron penas: “Am gar chojedo, mo rai! Tu djineh kokres, kai kol menshe tchilatcho hi.

2. Mose 32:23

Jon penan ap mande: ‘Kre menge i dewel, kai men o drom sikrella! Koon djinella, hoi ko mursheske Mose djas, kowa, kai anas men dran o them Egiptia win.’

2. Mose 32:7

O baro Dewel rakras ap o Mose: “Naash, dja tele, tire menshe, kai tu dran o them Egiptia win anal, kran djungelo koowa.

2. Mose 33:3

Jaake anau tumen an ko them, kai hi bud thud un gwin. Me wau gar tumentsa. Tumer djiwenn pal tumaro shero un kamenn gar te shunell. Un me doms nai tumen mulo ap o drom, te djoms tumentsa.”

Ezekiel 20:8

Jon mukan pen tchi mandar te penell, un kaman gar ap mande te shunell. Kek witsras kol djungele figuren krik, hoi lo an-mangas. Kol egiptikre deblen kaman le gar te mukell. Kote kamom miri choli pral lende win te tchorell. Gomme kote an o them Egiptia kamom miri tseli choli ap lende win te mukell.

Hosea 12:13

O Jakob hunte nashas peske an o them Aram, un o Israel hunte budras i wawareske, te lell lo i romjat, un hunte das jak ap i bakre, te nai romedinerell lo lat.

Micha 6:4

Me hom kowa, kai anas tumen dran o them Egiptia win, kai hans pandle budepangre. Me dom tumen o Mose, o Aron un i Mirjam, te djan le glan tumende.

4. Mose 14:22

Kol tsele mursha, kai dikan miro railepen un ko baro un sorelo koowa, hoi krom an o them Egiptia un an o mulo tato them, un kaman bud kope gar te patsell, kai hom lentsa, un shunan gar ap kowa, hoi me penom,

Mateo 24:43

Haiwenn: Te djinals o rai pral i kheer ko tsiro an i rati, kaana o tchorepaskro wella, palle sowals lo gar, un mukals kekes an peskro kheer dren te phagell.

Mateo 24:48

Job te hi i tchilatcho budepaskro un penell ap peste: Miro rai well gar jaake sik pale,

Bičepangre 17:29

Mer te wah o Deblestar, palle hi kowa dinlepen, te patsenn tumer, kai hatsenn o Debles an kowa, hoi tumer tumare wastentsa kran dran sonakai, rup un barra.

Bičepangre 19:26

Tumer dikan un shunan, kai o Paulo i menshenge penella: I dewel, kai i wastentsa kerdo wella, hi kek dewel. I menshe an o foro Efesus un an o them Asia shunenn ap o Pauleskro rakepen.

Bičepangre 7:40

Ap o Aron penan le: Kre menge i dewel, kai dell garda ap mende un sikrell mende o drom! Mer djinah gar, hoi djas o Moseske, kai anas men dran o them Egiptia win.

5. Mose 31:8

O baro Dewel hi kowa, kai djal glan tute, job hi tuha! Job atchell pash tute un mukell tut gar kokres. Ma dare tchi un ma traash kekestar!”

5. Mose 9:1

Shunenn, tumer menshe Israel! Tumer djan kau diwes pral o pani Jordan, te lenn themma tumenge dren kol menshendar, kai hi bareder un sorleder har tumer. Lengre forja hi bares, un bare massurja djan trul lende pre an o bolepen.

5. Mose 9:9

Me homs pre ap i berga, te lap lestar kol barra, an koleste job i deesh laba tchinas, hoi hunte rikrenn, te wenn leskre menshe. Kote atchom me 40 (star-deesh) diwessa un ratsja. Maro chom me kek, un pani pijom me witar gar.

Josua 7:13

Ste pre, un kre, te wenn i menshe pale erligo glan mande! Pen lenge: Krenn tumen djudjo, te nai wenn glan o Debleste taissarlake! Me, o baro Dewel, hom o Israeleskro Dewel un penau tumenge: Mank tumende, tumer Israelitarja, hi tchomone, hoi miro hi. Doleske nai wenn tumer buder gar sorelo pral kolende, kai kurenn pen tumentsa, jaake rah, har anan tumer ko koowa gar dran tumende krik.

2. Petro 3:4

un penenn ap tumende: “Kai hi tumaro Jesus? Job penas, kai job pale wella. Mare phure meran, un lauter atchas jaake har his, har i phub kerdo was.”