2. Mose 31:3 - O Debleskro Drom 2021 (Sinte)

³ Me tchiwom miro ducho an leste, un dom les goswepen un wasta, hoi haiwenn mishto te budrell,

O Debleskro Lab 2024 (Sinte-Manouche)

³ Me čivom miro dourho an leste, oun dom les gosvepen oun vasta, hoy hayvenn mishto te boudrell,

2. Mose 31:3 ပူးပေါင်းရင်းမြစ်များ

1. Rajengro liil 3:9

Doleske mangau tut, de man i dji, hoi shunella, hoi tu peneh, te nai rakrap o tchatchepen win pral i menshende, un te haiwap, hoi mishto un hoi gar mishto hi. Har nai dap hakeneste tire bud menshendar peskro tchatchepen, tu te deh kowa mande gar?”

1. Rajengro liil 7:13

Un o baro rai Salomo mukas pash peste te well i murshes, kai haiwas mishto o lolo sasteha te budrell. Les his i latcho wast, un nai kras shukar koowa dran lolo saster. Leskro lab his Huram. Job his dran o foro Tirus. Leskri dai his i menshendar Naftali. Leskro dad his dran Tirus un djiwas buder gar. Un o Huram was pash o baro rajeste Salomo, un kras leske ko tselo koowa dran lolo saster.

2. Familjakro liil 2:7

Un bitche mange zedertikro kasht un zipresstikro kasht un wawar kutch kasht dran i berge Libanon! Me djinau, kai tire mursha haiwenn pen win, te denn le i ruka. Un me bitchrau mire murshen pash tire murshende, te nai budrenn le lentsa khetne.

2. Mose 28:3

Rake kolentsa, kolen me latche wasta un o goswepen dom, te haiwenn le mishto te siwell. Pen lenge, te krenn le ripja o Aroneske, te well job mange i rashai.

2. Mose 31:4

te nai krell lo shukar koowa dran sonakai, rup un lolo saster.

2. Mose 35:31

O baro Dewel tchiwas peskro ducho an o Bezalel, un das les goswepen un wasta, hoi haiwenn mishto te budrell,

2. Mose 35:35

O baro Dewel das kol dujen, o Bezalel un o Oholiab, o goswepen, te haiwenn le mishto sonakaskro koowa te krell, ninna shukar plachte dran latcho laintikro than un dran kutch bakrengro bal, hoi blaueto, lolo un lolo har jag kerdo was. Ninna nai siwenn le shukar koowa an kol kotja than. Jaake nai krenn le haki budi, un haiwenn, an pengro shero glan-wi te dikell, har te krenn le lat.

Gosewe laba 2:6

O baro Dewel hi kowa, kai dell goswepen. Lestar well, te djinell un haiwell i mensho bud koowa.

Jesaja 28:26

Un har job kowa hunte krell, sikras les o Dewel, kowa hoi job djinell, well lestar.

Jesaja 28:6

Un i tchatchepangre rajende dell lo o tchatchepen an o dji, te nai rakrenn le tchatchepah o tchatchepen win. Un kol kurepangren dell lo i soor, te nai tradenn le i lurden dran wawar themma pale dran o foro win.