2. Mose 31:17 - O Debleskro Drom 2021 (Sinte)

¹⁷ O Debleskro diwes hi i sikepen mange un mire menshenge, i Israelitarja, hoi hako tsiro atchella. An shob diwessa kras o baro Dewel o bolepen un i phub. Un o eftato diwes kras job tchi un las newi soor.

O Debleskro Lab 2024 (Sinte-Manouche)

¹⁷ O Debleskro dives hi i sikepen mange oun mire menshenge, i Israelitarya, hoy hako tsiro ačella. An shob divessa kras o baro Devel o bolepen oun i phoub. Oun o eftato dives kras yob či oun las nevi zoor.

2. Mose 31:17 ပူးပေါင်းရင်းမြစ်များ

1. Mose 1:31

Un o Dewel dikas halauter, hoi job kras, un tchatchepah halauter his mishto. Un was rati un pale taissarlakro. Kowa his o shobto diwes.

Hiob 38:7

Har lo tchiddo was, giwan i tsele bolepangre momlia, hoi tsalla pre djan, un i bolepangre dan gole i bachtjatar.

Debleskri gili 104:31

O Debleskro railepen mu atchella hako tsiro! Mu well lo bachtelo pral kowa, hoi job kras!

2. Mose 20:11

An shob diwessa kras o baro Dewel o bolepen un i phub, o pani un halauter, hoi koi dren hi. Un o eftato diwes kras lo tchi. Doleske penas lo: Kau diwes hi i baro diwes mange. Kau diwes hi miro.

2. Mose 31:13

Pen ap i tsele Israelitarja: Rikrenn o Debleskro diwes tumenge! Kowa sikrell tumen, kai me tumaro Dewel hom, un tumer mire menshe han an hako tsiro. Kowa hi tumenge un tumare tchawenge un lauterenge, kai pal tumende wenna, te dikenn tumer, te rodom me, o baro Dewel, tumen win, te wenn mire menshe.

2. Mose 31:16

Doleske hunte rikrenn i Israelitarja o Debleskro diwes hako tsiro, jon un lengre tchawe un lauter, kai pal lende wenna, jaake har krom me kowa lentsa win.

Jesaja 58:13

Te rikreh tire herja pale, te djas gar ap i budi ap o Debleskro diwes, un djah gar i lowenge palla ap ko diwes, hoi mange hi, un peneh: Kowa hi miro shukeder diwes, kai sharau o baro Debles un mangau les an, te shareh les tu jaake, te djas gar ap i budi un kek lowenge palla, un kreh kek bare laba,

Jeremia 32:41

Miro dji sala, te nai krau lenge latchepen. Un me mukau len soreles an kau them well, un jon hunte mukenn les buder gar. Tchatchepah, kowa krau miro tselo djijeha un miri tseli sorjah.

Ezekiel 20:12

Ninna tchiwom o diwes dren, hoi mange hi, kai hunte budrenn le gar. Ko diwes his o sikepen koleske, hoi win kram. Jaake kamom, te djinenn i Israelitarja, kai me, o baro Dewel, rodom len mange win, te wenn le mire menshe.

Ezekiel 20:20

Un rikrenn o Debleskro diwes dren, te krenn kek budi ap leste. Ko diwes hi i sikepen koleske, hoi win kram, te djinenn tumer, te hom me, o baro Dewel, tumaro Dewel.

Hebrearja 4:10

Kote hunte krenn i menshe buder kek budi, jaake har o Dewel buder kek budi kras, har lauter ap i phub kerdo was.