2. Mose 31:15 - O Debleskro Drom 2021 (Sinte)

¹⁵ Shob diwessa budress tu. O eftato diwes kress tu tchi. Ko diwes hi o baro Debleske. Kowa, kai budrella, well mulo dino.

O Debleskro Lab 2024 (Sinte-Manouche)

¹⁵ Shob divessa boudress tou. O eftato dives kress tou či. Ko dives hi o baro Debleske. Kova, kay boudrella, vell moulo dino.

2. Mose 31:15 ပူးပေါင်းရင်းမြစ်များ

1. Mose 2:2

Ap o eftato diwes his o Debleskri budi kerdo. Job budras buder gar. Halauter his kerdo.

2. Mose 16:23

Un job penas ap lende: “Kawa hi, hoi o baro Dewel penas: Taissar hi i diwes, kai well kek budi kerdo. Kowa hi i diwes o baro Debleske, te well job sharedo. Kau maro, hoi kamenn te pekell, kowa pekenn! Kowa, hoi kamenn te kerell an o pani, kowa kerenn an o pani! Lauter, hoi pral atchella, hadenn pre i taissarlake!”

2. Mose 16:26

Shob diwessa lenn tumen maro khetne! O eftato diwes hi o Debleskro diwes. Ap ko diwes dell kek maro.”

2. Mose 23:12

Shob diwessa budress tu! Ap o eftato diwes budress tu gar! Ninna tire grumja, tiri burika, tire budepangre un i wi-themarja, hoi pash tute hi, budrenn ap ko diwes gar, jaake te nai lenn le pale newi soor.

2. Mose 31:14

Rikrenn o Debleskro diwes tumenge! Koon les gar rikrella, well temerl dino. Awa, hakeno, hoi ap o Debleskro diwes budrella, hunte djiwell buder gar mank peskre menshende.

2. Mose 31:16

Doleske hunte rikrenn i Israelitarja o Debleskro diwes hako tsiro, jon un lengre tchawe un lauter, kai pal lende wenna, jaake har krom me kowa lentsa win.

2. Mose 31:17

O Debleskro diwes hi i sikepen mange un mire menshenge, i Israelitarja, hoi hako tsiro atchella. An shob diwessa kras o baro Dewel o bolepen un i phub. Un o eftato diwes kras job tchi un las newi soor.

2. Mose 34:21

Shob diwessa krenn tumari budi! Ap o eftato diwes krenn tchi! Kowa te well jaake hako tsireske, ninna ko tsireske, kai tumer budrenn ap tumaro kotar phub un kai tumer anenn o djob dren.

2. Mose 35:2

Shob diwessa krenn tumari budi! O eftato diwes hi o Debleskro diwes. Ap ko diwes krenn tchi! Ko diwes hi o baro Debleske. Koon ap kau diwes budrella, hunte merella.

2. Mose 35:3

Ap ko diwes krenn kek jag an tumare tsele khera!”

Ezekiel 46:1

Kawa penell o baro Dewel, maro rai: Ko wudar glan i tikni glanstuni platsa ap koi rig, kai o kham pre djal, kowa atchell pandlo ap kol shob diwessa, kai budrenn le. Ap o eftato diwes – ko Debleskro diwes – well lo pre kerdo, ninna ap o diwes, kai o newo tchon diklo well.

3. Mose 16:29

Kawa lauter hunte well kerdo ap o deshto diwes an o eftato tchon. Un jaake hunte krenn tumer hako tsireske. Ma chan ap ko diwes! Ma krenn i budi, tumer gar un witar gar i wi-themarja, kai mank tumende djiwenn.

3. Mose 23:3

Rikrenn o Debleskro diwes! Shob diwessa budrenn, ap o eftato diwes krenn kek budi! Ko diwes hi o baro Debleske. Ap leste awenn khetne glan leste! Ap kau diwes krenn kek budi, kai tumer ninna djiwenna!

3. Mose 23:32

Kau diwes hi i baro diwes tumenge, kai hunte krenn kek budi, un chan tchi fun rati ap o enjato diwes bis te well pale rati ap o wawar diwes.

Louka 13:14

Koi choiras pes ko pralstuno an i biboldengri kangri, kai o Jesus koi djuwjat ap o Debleskro diwes sasto kras. Un kowa penas ap i menshende: “Mer hunte budras shob diwessa. Awenn an kolla diwessa, te mukenn tumen sasto te krell, un gar ap o Debleskro diwes!”

Louka 23:56

Un jon djan an o foro pale, un kran kutch djet, hoi mishto sungella, te makenn le les dren. Ap o Debleskro diwes kran le kek budi, jaake har kowa pash i biboldende hi.

5. Mose 5:12

Rike o Debleskro diwes! Ma bude ap leste. Jaake penas tuke tiro baro Dewel.

Hebrearja 4:9

Jaake dikah: Hi gomme i tsiro, kai nai wenn i menshe pash o Debleste, kai jon hako tsiro khere nai wenna.