2. Mose 31:14 - O Debleskro Drom 2021 (Sinte)

¹⁴ Rikrenn o Debleskro diwes tumenge! Koon les gar rikrella, well temerl dino. Awa, hakeno, hoi ap o Debleskro diwes budrella, hunte djiwell buder gar mank peskre menshende.

O Debleskro Lab 2024 (Sinte-Manouche)

¹⁴ Rikrenn o Debleskro dives t'menge! Koon les gar rikrella, vell temerl dino. Ava, hakeno, hoy ap o Debleskro dives boudrella, hounte djivell bouder gar mank peskre menshende.

2. Mose 31:14 ပူးပေါင်းရင်းမြစ်များ

Nehemia 9:14

Un tu sikral len, har te rikrenn le o diwes, hoi tuke hi. Kowa hi o Debleskro diwes. Un an wawar laba, hoi penas lenge o Mose, koles tiro wast his, sikral tu len, hoi tu lendar kameh un har nai djan le tire dromma.

2. Mose 20:8

Ma biste, kai o eftato diwes o Debleskro diwes hi!

2. Mose 30:33

Koon peske sawo djet krella, nai atchell gar djido mank peskre menshende. Temerl dino well ninna kowa, kai makell jekeste, kai hi kek rashai.

2. Mose 30:38

Koon sawo koowa peske krella, te nai sungell lo o shukar sungepen, kawa nai atchell gar djido mank peskre menshende.

2. Mose 31:15

Shob diwessa budress tu. O eftato diwes kress tu tchi. Ko diwes hi o baro Debleske. Kowa, kai budrella, well mulo dino.

Ezekiel 20:16

Kowa wals i phagi doleske, kai dan le tchi ap mire tchatchepaskre laba, un kran gar, hoi lendar kamom, un rikran gar o Debleskro diwes dren. Na-a, pengre chochene deblen nashan le palla!

Ezekiel 20:21

Un ninna lengre tchawe mukan pen tchi mandar te penell, un kran gar hoi lendar kamom, un djiwan gar pal miro tchatchepen. Mire tchatchepaskre laba hi kolla, kolentsa i mensho djido atchell, te rikrell lo pes ap lende. Un jon kran sawo koowa ap o Debleskro diwes, hoi hunte krans le gar. Un jaake wom gar sharedo. Kote kamom miri choli pral lende win te tchorell. Kote an o mulo tato them kamom miri tseli choli ap lende win te mukell.

Ezekiel 20:24

doleske, kai djiwan le gar pal miro tchatchepen un kran gar, hoi lendar kamom, un budran ap o Debleskro diwes, un nashan kol chochene deblenge palla, kolen lengre phure an-mangan.

Ezekiel 44:24

Te well i tchingepen glan lende anlo, hi jon i tchatchepangre mursha un hunte penenn o tchatchepen win, un hunte djan pal mire tchatchepaskre laba. Un jon hunte krenn, te wenn mire bare diwessa ap o tchatcho tsiro jaake dren rikedo, har me penom, te well kowa kerdo. Ninna denn le jak, te well o Debleskro diwes dren rikedo.

3. Mose 16:29

Kawa lauter hunte well kerdo ap o deshto diwes an o eftato tchon. Un jaake hunte krenn tumer hako tsireske. Ma chan ap ko diwes! Ma krenn i budi, tumer gar un witar gar i wi-themarja, kai mank tumende djiwenn.

Johanni 7:23

Tumer tchinenn tumare tchawen ap o mass ap o Debleskro diwes, te well rikedo, hoi o Mose tchinas an peskre lila. Hoske han tumer jaake chojedo ap mande, kai krom i tselo menshes sasto ap o Debleskro diwes?