2. Mose 30:6 - O Debleskro Drom 2021 (Sinte)

⁶ Tchip o sonakaskro bob glan o wudar dran o kutch kotar than. Pal ko wudar hi o mochton, kai o Debleskre deesh laba dren hi, un kai o pralstuno kotar pre hi, hoi sikrella, kai o Dewel peskre menshenge latcho hi.

O Debleskro Lab 2024 (Sinte-Manouche)

⁶ Čip o sonakaskro bob glan o voudar dran o kouč kotar than. Pal ko voudar hi o morhton, kay o Debleskre deesh laba dren hi, oun kay o pralstouno kotar pre hi, hoy sikrella, kay o Devel peskre menshenge lačo hi.

2. Mose 30:6 ပူးပေါင်းရင်းမြစ်များ

1. Familjakro liil 23:13

O Amram, leskre tchawe his: o Aron un o Mose. Un o Aron un leskre tchawe wan win rodedo, te wenn le rashaja hako tsireske. Jon kokres nai kran o baro Debleskri budi: nai chatchran viechen ap leskri chatchepaskri, un nai rakran o Debleskri bacht win pral i Israelitarja.

1. Familjakro liil 28:11

Un o David das peskro tchawes, o Salomo, i liil, kai pre tardo hi, har te krell lo o Debleskro baro kheer: o wudareskri isema, kol glanstune halle, kol iseme, kai tchomone pre garedo well, kol pralstune iseme, ninna kol iseme, kai dren hi, un koi isema, kai o mochton o Debleskre deesh labentsa dren well.

2. Mose 30:36

Palle kre les tiknes, jaake tiknes har djala, un tchip ninna lestar glan ko mochton, kai o Debleskre deesh laba dren hi, an o Debleskro plachteno kheer, kote, kai wau me pash tute. Denn jak! Kau sungepaskro koowa, hoi tumer o Debleske kran, hi leske kokres!

2. Mose 30:5

Kre kol kashta dran akatstikro kasht un de sonakai trujel.

2. Mose 30:7

Ap ko sonakaskro bob chatchrell o Aron ko kutch koowa, hoi o Debleske shukar sungella. Kowa krell lo hako diwes taissarlakro, te tchorell lo o djet an i momlia,

2. Mose 40:26

Glan o kutch kotar than tchiwas lo o sonakaskro bob,

2. Mose 40:3

Un tchip ko mochton dren, kai o Debleskre deesh laba dren hi. Glan o mochton pande ko kutch kotar than pre!

2. Mose 40:5

Glan o mochton, kai o Debleskre deesh laba dren hi, tchip o sonakaskro bob, kai sungepaskro koowa chatchedo wella! Un an o wudar pande koi bari plachta pre!

3. Mose 16:13

Kote tchiwell lo ko sungepaskro koowa ap i jag, te djal i jagakro ducho win un tchakrell ko pralstuno kotar ap ko mochton, kai o Debleskre deesh laba dren hi. Kowa hunte krell lo doleske, te merell lo gar.

4. Mose 17:4

Un o rashai Eleasar las kol sasterne pirja, hoi anan kolla, kai his djides chatchedo, un das i pirja buchlo, te wenn le trul o Debleskri chatchepaskri dino,

Mateo 27:51

Un ko wudar an o Debleskro baro kheer, hoi his kerdo dran kutch pesso than, kowa djas paash an dui kotja fun pral bis tele. Un i phub was trisslemen. Un i bare barra phagan an kotja.

Hebrearja 4:16

Dran kowa was mer glan maro latcho Debleste. Koles hi i baro dji menge, te dell lo men peskri soor ap ko tsiro, kai hunte las mer leskri soor.