2. Mose 30:31 - O Debleskro Drom 2021 (Sinte)

^31-32 Ap i Israelitarja pen: Ko djet hi o Debleskro djet. Lenn les kokres te makenn i rashaja mange. Ma makenn les ap i wawar mensheste. Un ma krenn tumenge i djet, hoi ninna kowa lauter dren hi har an kawa djet. O Debleskro djet atchell lo. Rikrenn tumen ap kowa hako tsiro, tumer un tumare tchawe, hoi pal tumende wenna.

O Debleskro Lab 2024 (Sinte-Manouche)

^31-32 Ap i Israelitarya pen: Ko djet hi o Debleskro djet. Lenn les kokres te makenn i rashaya mange. Ma makenn les ap i vavar mensheste. Oun ma krenn t'menge i djet, hoy ninna kova lauter dren hi har an kava djet. O Debleskro djet ačell lo. Rikrenn t'men ap kova hako tsiro, t'mer oun t'mare čave, hoy pal t'mende venna.

2. Mose 30:31 ပူးပေါင်းရင်းမြစ်များ

Debleskri gili 89:20

Glan i rah tsiro rakral tu ap jekeste tire menshendar an i visiona un penal: “Me dom miro wast i tchatcho mursheste, te well lo ap tumari rig. Me rodom les win dran mire menshende, te well lo baro rai.

2. Mose 29:21

Le ko ratestar, hoi ap o Debleskri chatchepaskri hi, un tchip les an o makepaskro djet un witse les ap o Aron un leskre koola un ap leskre tchawende un lengre koola, te well job un leskre koola o Debleske, ninna leskre tchawe un lengre koola, te wenn le o Debleske.

2. Mose 30:30

Jaake kress kowa ninna o Aroneha un leskre tchawentsa. Mak len o djeteha, te wenn le rashaja mange.

2. Mose 37:29

Un job kras o makepaskro djet, koleha jon o Debleskro koowa dren makenn. Ninna kras lo ko kutch sungepaskro koowa, hoi chatchedo well. Kowa lauter kras job jaake har kolla, kai kowa mishto haiwenna.

3. Mose 21:10

O pralstuno rashai, ap koleskro shero o djet tchoredo was, har was lo an peskri budi dren tchiddo, un ap koleste i rashajengre koola hi, kowa mukell peskro shero gar diwjes win dikell. Un kol koola, hoi lo ap peste hi, tserdell lo gar an kotja, ap ko tsiro, kai rowell leskro dji pral i muleste.

3. Mose 8:12

Palle las o Mose ko djet, un tchoras kolestar ap o Aroneskro shero, un kras jaake, te well job o baro Debleskro rashai.