2. Mose 30:3 - O Debleskro Drom 2021 (Sinte)

³ Trul o tselo bob tchip latcho sonakai: pral pre un ninna ap i star rigja un ap i shinga. Un tchip i sonakaskro pandepen trul o bob.

O Debleskro Lab 2024 (Sinte-Manouche)

³ Troul o tselo bob čip lačo sonakay: pral pre oun ninna ap i star rigya oun ap i shinga. Oun čip i sonakaskro pandepen troul o bob.

2. Mose 30:3 ပူးပေါင်းရင်းမြစ်များ

1. Rajengro liil 6:20

Koi isema his deesh metarja lengsto, deesh metarja buchlo, un deesh metarja bis pral. Un pral i massurja his latcho sonakai maklo. O Salomo kras ninna i bob dran zedertikro kasht, te well kote sungepaskro koowa chatchedo o Debleske, un tchiwas ko bob glan o kutch isema,

1. Rajengro liil 7:48

Ninna mukas o Salomo ko tselo koowa te krell, hoi hunte well tardo an o baro Debleskro kheer: o sonakaskro bob; o sonakaskri chapaskri, kai o Debleskre mare pre tchiddo wenn;

2. Mose 25:11

Pral o kasht, dren un win, tchip latcho sonakai! Un pral trul o tselo mochton tchip i sonakaskro pandepen!

2. Mose 25:24

Tchip trul i tseli chapaskri latcho sonakai! Un pral trul i tseli chapaskri tchip i sonakaskro pandepen!

2. Mose 30:2

Kre kau bob i paash metari lengsto un ninna jaake buchlo. Les hi star rigja, un kote, kai jon khetne wenna, well i kotar win un djal pre har i shing. O tselo bob hi jek metari baro.

2. Mose 30:4

Muk star sonakangre gustria te krell. Kolla wenn ap kol dui rigja o bobestar kerdo: ap haki rig dui sonakangre gustria tel ko sonakaskro pandepen, hoi djal trul o bob. An kol gustria wenn lengste kashta tchiddo. Kolentsa hidjrenn le o sonakaskro bob.

Debleskro tsiro 8:3

Un i wawar bolepaskro was, un djas pash o Debleskri chatchepaskri. Les his i sonakaskro tcharo an o wast, an koleste gudlo kasht chatchedo wella, hoi mishto sungella. Un ko bolepaskro las bud gudlo kasht, te chatchrell lo les ap o Debleskro sonakaskro bob, hoi glan o Debleskro beshepaskro tardo hi, te well o latcho sungepen khetne o mangepah, hoi o Debleskre tchawe o Deblestar mangan.