2. Mose 30:28 - O Debleskro Drom 2021 (Sinte)

²⁸ ninna ap o Debleskri sasterni chatchepaskri, kai i vieche o Debleske chatchedo wenna, un ap kol tsele koola, kolentsa budrenn le. Mak ninna o thopaskro tcharo, un leskre herja, hoi les hidjrenna.

O Debleskro Lab 2024 (Sinte-Manouche)

²⁸ ninna ap o Debleskri sasterni rhačepaskri, kay i firhe o Debleske rhačedo venna, oun ap kol tsele koola, kolentsa boudrenn le. Mak ninna o thopaskro čaro, oun leskre herya, hoy les hidjrenna.

2. Mose 30:28 ပူးပေါင်းရင်းမြစ်များ

1. Rajengro liil 7:38

Un job kras deesh bare panjeskre pirja dran lolo saster, hako wurdineske jek piri. Job kras len jaake baro, te djan 840 (ochta-sheel-te-star-deesh) litarja pani an haki piri dren. Haki piri his dui metarja buchlo.

2. Mose 29:36

An kol efta diwessa maress tu hako diwes i terno gurum o Debleske, te well i doosh krik lino. Leskro rateha well i doosh krik lino, hoi ap o Debleskri chatchepaskri was. Palle mak djet ap o Debleskri chatchepaskri! Jaake well diklo, te hi kai chatchepaskri o Debleske.

2. Mose 29:37

Efta diwessa kress tu kawa hako diwes, te well i doosh ap o Debleskri chatchepaskri krik lino. Ninna makess tu koi chatchepaskri o djeteha dren, te well li o Debleske kokres un kek wawareske. Un hakeno, koon taprell lat an, kowa hi o Debleskro.

2. Mose 30:18

Kre i thopaskro tcharo dran lolo saster, un tchip les ap herja, hoi ninna dran lolo saster hi. Un tchip les mashkral o Debleskro plachteno kheer un o Debleskri sasterni chatchepaskri. Un tchore pani dren,

2. Mose 30:27

ninna ap i chapaskri un ap o tselo koowa, hoi koi pre hi, ninna ap i momelengri un lauter, hoi koi pashel hi. Ninna ap o Debleskro sonakaskro bob, kai kutch sungepaskro koowa pre chatchedo wella, well ko djet maklo,

2. Mose 30:29

Te makeh len jaake, sikreh tu, kai hi le o Debleske, un leske kokres. Un hakeno, koon taprell len an, hi o Debleskro.

2. Mose 35:8

momelengro djet, kutch sungepaskro koowa, hoi tchiwenn le an o makepaskro djet, un ninna kutch sungepaskro koowa, hoi well chatchedo ap o sonakaskro bob,

2. Mose 40:11

Mak ninna o thopaskro tcharo un kol herja, ap kolende o tcharo tardo hi, te well lauter o Debleske.