2. Mose 30:26 - O Debleskro Drom 2021 (Sinte)

²⁶ Tu makess ko djet ap o Debleskro plachteno kheer, ap ko mochton, kai o Debleskre deesh laba dren hi,

O Debleskro Lab 2024 (Sinte-Manouche)

²⁶ Tou makess ko djet ap o Debleskro plarhteno kheer, ap ko morhton, kay o Debleskre deesh laba dren hi,

2. Mose 30:26 ပူးပေါင်းရင်းမြစ်များ

2. Mose 30:27

ninna ap i chapaskri un ap o tselo koowa, hoi koi pre hi, ninna ap i momelengri un lauter, hoi koi pashel hi. Ninna ap o Debleskro sonakaskro bob, kai kutch sungepaskro koowa pre chatchedo wella, well ko djet maklo,

Jesaja 61:1

O baro Debleskro ducho hi ap mande. O baro Dewel rodas man win un bitchras man, te penap i tchorwelenge o latcho lab. te krap i phagede djia sasto, te penap i pandlen, te hi le buder gar pandlo, un penap i stilden, te nai djan le win dran o stilepen.

Ezekiel 28:14

Tu hals har i sorelo bolepaskro, kai dell jak. Un ap miri Debleskri berga tchiwom tut. Mank kutch barra, hoi dikan win har jag, djal tu trujel.

4. Mose 17:2

“Pen ap o Aroneskro tchaweste, o rashajeste Eleasar, te lell job kol pirja dran i jag, un witsrell koi jag dur krik! Kol tchilatche, kai meran, anan kal pirja glan o baro Debleste. Doleske hi kal pirja o Debleskro un hunte wenn an o Debleskro kheer. Denn kol pirja buchlo, te wenn sane buchle sasterne patria dran lende! Un kolen denn trul o Debleskri chatchepaskri, te wenn le i sikepen, te bistrenn i Israelitarja gar, hoi djas!”

4. Mose 7:1

Un har o Mose o Debleskro plachteno kheer pre tchiwas, makas lo les o djeteha o Debleske. Ninna ko tselo koowa, hoi koi dren hi, ninna o Debleskri chatchepaskri un halauter, hoi pashel hi, makas job o djeteha o Debleske.

4. Mose 7:10

Un kol pralstune dan kutch koowa o Debleske un anan kowa glan o Debleskri chatchepaskri ap ko diwes, kai was koi chatchepaskri o djeteha dre-maklo.

Bičepangre 10:38

Tumer djinenn, har das o Dewel o Jesuseste dran Nazaret peskro Ducho un peskri soor. Un job djas trujel un kras latcho koowa, un kras lauteren sasto, kai o beng pandas. O Dewel his pash leste.

1. Johanni 2:20

Tumer lan o Debleskro Ducho, un lestar djinenn tumer kowa lauter.

1. Johanni 2:27

O Jesus Kristo das tumen o Debleskro Ducho. Kowa atchell an tumende. Doleske hunte well tumen kek wawar sikepaskro. O Debleskro Ducho sikrell tumende o tselo Debleskro drom. Un lauter, hoi job tumende sikrell, kowa hi tchatcho un kek chochepen. Krenn kowa, hoi o Debleskro Ducho tumende sikrella! Jaake atchenn tumer o Jesus Kristeha khetne.