2. Mose 30:25 - O Debleskro Drom 2021 (Sinte)

²⁵ Kre kolestar i kutch djet, hoi maklo well ap o tselo koowa, hoi o Debleske hi. Muk les jekestar khetne te krell, kai kowa mishto haiwell.

O Debleskro Lab 2024 (Sinte-Manouche)

²⁵ Kre kolestar i kouč djet, hoy maklo vell ap o tselo koova, hoy o Debleske hi. Mouk les yekestar khetne te krell, kay kova mishto hayvell.

2. Mose 30:25 ပူးပေါင်းရင်းမြစ်များ

1. Rajengro liil 1:39

Un o rashai Zadok las o djet dran o Debleskro plachteno kheer, un makas o Salomes koleha dren. Un jon phurdan an i phurdepangre, un i tsele menshe dan gole: “I rah djipen o baro rajeske, o Salomo!”

1. Familjakro liil 9:30

Koi his ninna rashaja, kai kran ko sungepaskro djet.

Debleskri gili 133:2

Kawa hi jaake har ko latcho makepaskro djet, hoi ap o Aroneskro shero tchoredo well, un tele nashella ap leskri tchora, un kotar dureder ap i meen leskro gadestar.

Debleskri gili 89:20

Glan i rah tsiro rakral tu ap jekeste tire menshendar an i visiona un penal: “Me dom miro wast i tchatcho mursheste, te well lo ap tumari rig. Me rodom les win dran mire menshende, te well lo baro rai.

2. Mose 28:41

Palle rib o Aroneske un leskre tchawenge kol koola an. Le djet un mak len o Debleske un de len an lengri budi, te wenn le mange rashaja.

2. Mose 29:21

Le ko ratestar, hoi ap o Debleskri chatchepaskri hi, un tchip les an o makepaskro djet un witse les ap o Aron un leskre koola un ap leskre tchawende un lengre koola, te well job un leskre koola o Debleske, ninna leskre tchawe un lengre koola, te wenn le o Debleske.

2. Mose 29:7

Le o makepaskro djet un tchore les pral leskro shero, mak les o Debleske!

2. Mose 30:35

Un tchip kowa jaake khetne, har kolla krenna, kai kowa mishto haiwenna, te well lestar i sungepaskro koowa, hoi chatchedo well o Debleske. Tchip ninna loon koi pashel, te well ko koowa djudjo. O Debleske hi lo.

2. Mose 35:15

ko bob, kai ko sungepaskro koowa chatchedo wella un leskre hidjepaskre kashta; ko makepaskro djet; ko kutch sungepaskro koowa; koi plachta an o khereskro wudar;

2. Mose 37:29

Un job kras o makepaskro djet, koleha jon o Debleskro koowa dren makenn. Ninna kras lo ko kutch sungepaskro koowa, hoi chatchedo well. Kowa lauter kras job jaake har kolla, kai kowa mishto haiwenna.

2. Mose 40:9

Le ko makepaskro djet un mak leha o kheer un lauter, hoi koi dren hi, te well lo o Debleske!

Sikepaskro 10:1

Mule matsille an o sungepaskro djet krenn o latcho djet fulles. I tikno dinlepen nai krell o tselo goswepen un an-dikepen i menshestar paash.

3. Mose 8:10

O Mose las o djet un witsras kolestar tchomone ap o tselo plachteno kheer, kai o baro Dewel djiwell, un ap lauter hoi dren hi. Jaake sikras lo, kai kowa lauter o baro Debleske hi.

3. Mose 8:2

Le o Arones un leskre mursh tchawen tuha, un i rashajengre koola, un o djet un ko terno gurum, hoi i doshake maredo well, un kol dui mursh bakre un koi korba, kai i mare dren hi, kai kek shutlo jarro dren hi.

4. Mose 35:25

Un i Israelitarja hunte lenn kau murshes win dran o wast kolestar, kai kamell les te marell, un hunte anenn les pale pale an ko foro, kai nashas lo peske dren. Un job hunte atchell koi, bis ko pralstuno rashai meras, kai was o Debleskro djeteha dren maklo.

Hebrearja 1:9

O tchatchepen kamal tu, un o tchilatchepen dikeh glan i jaka nai gar. Doleske rodas tut tiro Dewel win, te wess tu bareder un bachtleder har kolla, kai pash tute hi.