2. Mose 30:23 - O Debleskro Drom 2021 (Sinte)

^23-24 Tu less i khoro olivtikro djet un tchiwess kutch sungepaskro koowa dren: shob kilo Myrrhe, triin kilo Zimto, triin kilo gudlo sungepaskro khass un shob kilo sungepaskro kasht, hoi kharella Kassia. Jek kilo hi jaake bud har jek kilo an o Debleskro kheer hi.

O Debleskro Lab 2024 (Sinte-Manouche)

^23-24 Tou less i khoro olivtikro djet oun čivess kouč soungepaskro koova dren: shob kilo myrrhe, triin kilo cinnamome, triin kilo goudlo soungepaskro khass oun shob kilo soungepaskro kasht, hoy kharella Kassia. Yek kilo hi yaake boud har yek kilo an o Debleskro kheer hi.

2. Mose 30:23 ပူးပေါင်းရင်းမြစ်များ

1. Rajengro liil 1:39

Un o rashai Zadok las o djet dran o Debleskro plachteno kheer, un makas o Salomes koleha dren. Un jon phurdan an i phurdepangre, un i tsele menshe dan gole: “I rah djipen o baro rajeske, o Salomo!”

1. Familjakro liil 9:29

Un wawar lendar dan garda ap o jarro un ap i mool un o djet un o sungepaskro koowa.

1. Familjakro liil 9:30

Koi his ninna rashaja, kai kran ko sungepaskro djet.

Debleskri gili 45:8

Tu kameh o tchatchepen, un nai dikeh gar kolen glan tire jaka, kai o tchilatchepen krenna. Doleske rodas tut o Dewel, tiro Dewel, win un tchoras bud bacht pral tute win, budeder har pral hako wawar rajeste.

2. Mose 25:6

momelengro djet, kutch sungepaskro koowa, hoi well chatchedo, ninna kutch sungepaskro koowa, hoi well an o makepaskro djet tchiddo, te nai makenn le jekes dren.

2. Mose 30:22

Un o baro Dewel rakras o Moseha un penas:

2. Mose 31:11

ninna ko makepaskro djet, hoi ap kowa maklo well, hoi o Debleske hi; un ko kutch sungepaskro koowa, hoi chatchedo wella an o Debleskro kheer. Kowa lauter krenn le jaake, har me les tuke penom.

2. Mose 35:28

Ninna anan le momelengro djet un ko koowa, hoi mishto sungella, te well lo chatchedo, ninna kutch sungepaskro koowa, hoi well an o makepaskro djet tchiddo.

2. Mose 37:29

Un job kras o makepaskro djet, koleha jon o Debleskro koowa dren makenn. Ninna kras lo ko kutch sungepaskro koowa, hoi chatchedo well. Kowa lauter kras job jaake har kolla, kai kowa mishto haiwenna.

Gosewe laba 7:17

Lom kutch panja, hoi latches sungenna pal Myrrhe, Aloe un zimto, un tchorom len ap o tchiben.

Kamlepaskri gili 1:13

Miro pirno hi mange har i tikno gono pherdo sungepaskro kasht, tchiddo ap miro betch.

Kamlepaskri gili 1:3

Tiro sungepaskro djet sungell jaake latcho. Hakeno prindjrell tut. I tsele tcha kamenn tut.

Jesaja 43:24

Mange ginal tu gar lowenge gudlo sungepaskro khass, witar gar chatchral o viechengro thulepen, te wap tchalo. Na-a, mange kral bud budi tiri doshah. Ko tselo tchilatchepen, hoi kral, kras man khino.

Jeremia 6:20

Me putchau tchi pal o sungepaskro koowa dran o them Saba, un pal ko gudlo sungepaskro djet, hoi well dran i dur them. Kol vieche, hoi tumer mange chatchrenna, kamau me gar. Un ap kol vieche, hoi tumer mange marenna, dikau gar latches.

Ezekiel 27:19

un bare khore mool dran o them Izalla, ninna sasterno koowa, zimto un gudlo sungepaskro djet.

Ezekiel 27:22

I parepangre dran Saba un Ragma paran tuha un anan tuke kutch sungepaskro djet, kutch barra un sonakai.

4. Mose 4:16

Un o Eleasar, ko tchawo o rashajestar Aron, job dell garda ap o momelengro djet, un ap ko djet, hoi lenn le te makenn le i rashajen dren, un ap ko sungepaskro koowa, hoi well chatchedo o Debleske. Ninna dell lo garda ap o chapen, hoi hako diwes o Debleske chatchedo wella. Un job dell garda ap o tselo Debleskro kheer un ap ko tselo Debleskro koowa, hoi koi dren hi.

1. Samuel 10:1

Un o Samuel las o khoro, kai o kutch djet dren hi, un tchoras les pral o Sauleskro shero. Un job tchumras les un penas: “Ko djet sikrella, te tchiwas tut o baro Dewel pral peskre menshende, te wess lengro rai.