2. Mose 30:12 - O Debleskro Drom 2021 (Sinte)

¹² Dik, har bud mursha hi mank i Israelitarja! Un pen lenge, te hunte denn le man lowe, te atchenn le djido, te well kek bibacht ap lende an kol diwessa, kai wenn lengre laba pre tchinlo.

O Debleskro Lab 2024 (Sinte-Manouche)

¹² Dik, har boud morsha hi mank i Israelitarya! Oun pen lenge, te hounte denn le man love, te ačenn le djido, te vell kek bibarht ap lende an kol divessa, kay venn lengre laba pre činlo.

2. Mose 30:12 ပူးပေါင်းရင်းမြစ်များ

1. Familjakro liil 21:1

Un o beng kamas tchilatchepen te krell ap i menshende Israel. Jaake das lo o Davideske an o dji, te hatsell lo win, har bud mursha an Israel hi, kai nai djan an o kurepen.

1. Familjakro liil 21:12

“Kameh tu, te well triin bersh i bari bok? Kameh, te nashess triin tchon kolendar krik, kai kamenn tut te marell un lenn tut o chareha palla? Kameh, te well triin diwessa i baro nasslepen an o them? Kau nasslepen hi o baro Debleskro charo, un leskro bolepaskro marell bud menshen an o tselo them Israel. Kanna muk kowa an tiro shero trujel te djal! Palle pen mange, hoi me ap koleste penap, kai bitchras man!”

1. Familjakro liil 21:14

Koi mukas o baro Dewel i baro nasslepen pral o Israel te well, un 70.000 (efta-deesh-serja) menshe meran.

1. Familjakro liil 21:3

O Joab penas ap leste: “Miro baro rai, kamau o djijestar, te dell tut o baro Dewel sheel kope jaake bud menshen koi pashel, har kai hi. Jon halauter kamenn tuke koi te well un rikrenn ap tute. Hoske kameh tu, miro rai, sawo koowa te krell un djinell, har bud kolla hi? Hoske kameh te aness i doosh ap Israel?”

1. Familjakro liil 27:24

O Joab, koleskri dai i Zeruja his, kras pes ap i budi te tchinell i laba pre, un hunte mukas tele, har was o Debleskri choli doleske pral o Israel. Un jaake hi gar tchinlo an o familjakro liil o baro rajestar David, kitse mursha an o them Israel his, kai nai wenn lurde.

2. Familjakro liil 24:6

Kote mukas o baro rai o pralstuno rashajes, o Jojada, te kharell, un penas ap leste: “Hoske dal tu gar jak, te lenn i Levitarja kol menshendar an o them Juda un an o foro Jerusalem kol lowe o Debleskro khereske dren, jaake har penas glan i rah tsiro o Mose, koles o baro Debleskro wast his, te anenn i Israelitarja lowe o baro Debleskro plachteno kheer.

2. Familjakro liil 24:9

Un jon mukan win gole te dell an o them Juda un an o foro Jerusalem, te anell hakeno kol lowe o baro Debleske, jaake har i Israelitarja kowa kran an o mulo tato them, har penas lenge kowa o Mose, koles o baro Debleskro wast his.

Hiob 33:24

palle krell o bolepaskro peskro dji leske pre, un penell ap o Debleste: “Le les win, te hunte djal lo gar tele pash i mulende. Me hatsom leske i lowe, hoi les dran o merepen win ginenn.”

Hiob 36:18

De jak, te anell tut tiri choli gar ap i djungelo drom! O Debles nai gineh tu gar, kitse lowe tu ninna deh!

Debleskri gili 49:7

Jon tchiwenn pengro patsepen ap pengro brawlepen, un sharenn pen har brawele jon hi.

2. Mose 30:11

Un o baro Dewel penas ap o Mose:

4. Mose 31:49

un penan ap leste: “Mer, tire budepangre, lan pre, har bud lurde koi hi, kai men pral lende penepaske hi; un halauter his koi.

4. Mose 31:50

Doleske anah mer o baro Debleske ko sonakaskro koowa, hoi hakeno mendar hatsas: brassleta, wastengre werklia, gustria, kanengre un werklia. Mer dah kowa o baro Debleste, te plaissras maro djipaske, te well tchi tardo mank o baro Debleste un mende.”

Mateo 20:28

Ninna o Mensheskro Tchawo was gar ap i phub, te budrenn i menshen leske. Na-a. Job was ap i phub, te well lo lenge koi, un te merell lo budenge. Un jaake lell lo len dran o tchilatchepen un o merepen win.”

Markus 10:45

Ninna o Mensheskro Tchawo was gar ap i phub, te budrenn i menshe leske. Na-a, job was ap i phub, te well lo lenge koi, un te merell lo lenge. Un jaake plaissrell lo peskro djipah, te lell lo bud menshen dran o tchilatchepen un o merepen win.”

1. Timoteo 2:6

Job das peskro djipen i tsele menshenge. Jaake sikras o Dewel an o tchatcho tsiro, kai kamell lo, te well hako mensho win lino dran o tchilatchepen un o merepen.