2. Mose 30:1 - O Debleskro Drom 2021 (Sinte)

¹ Kre i bob dran o kasht ko rukestar, hoi kharella Akatsia. Koi pre well sawo koowa chatchedo, hoi o Debleske shukar sungella.

O Debleskro Lab 2024 (Sinte-Manouche)

¹ Kre i bob dran o kasht ko roukestar, hoy kharella Akatsia. Koy pre vell savo koova rhačedo, hoy o Debleske shoukar soungella.

2. Mose 30:1 ပူးပေါင်းရင်းမြစ်များ

1. Rajengro liil 6:20

Koi isema his deesh metarja lengsto, deesh metarja buchlo, un deesh metarja bis pral. Un pral i massurja his latcho sonakai maklo. O Salomo kras ninna i bob dran zedertikro kasht, te well kote sungepaskro koowa chatchedo o Debleske, un tchiwas ko bob glan o kutch isema,

1. Rajengro liil 7:48

Ninna mukas o Salomo ko tselo koowa te krell, hoi hunte well tardo an o baro Debleskro kheer: o sonakaskro bob; o sonakaskri chapaskri, kai o Debleskre mare pre tchiddo wenn;

1. Familjakro liil 28:18

un har bud sonakai o Debleskro sonakaskro bobeske, un o wurdineske, kai o Debleskro mochton pre tchiddo well. Ap leste his sonakangre bolepangre, kai hadenn pengre mussja pral o baro Debleskro mochton.

1. Familjakro liil 6:49

Un jaake dan i Israelitarja i menshen dran o kheer Levi forja un phub trul kol forja, te nai chan lengre vieche.

2. Familjakro liil 26:16

Un har leske bud sorlepen dino was, phurdas pes leskro dji pre. Un job kras, hoi leske gar mishto his, un hoi tchilatcho his glan leskro baro Debleste: Job djas an koleskro kheer te chatchrell lo leske sungepaskro koowa ap o sonakaskro bob.

2. Mose 30:10

Jek kopo an o bersh lell o Aron o rat o bakrestar, hoi maredo was, te lell lo i doosh krik, un djal pash o Debleskro sonakaskro bob un makell ko rat ap i shinga, hoi pral ap o bob hi. Kowa krell lo, te well i doosh krik lino, hoi ap o bob hi. Ninna pash tumare tchawende un kolende, kai pal lende wenna, well kowa hako bersh jek kopo jaake kerdo. O sonakaskro bob hi o baro Debleske kokres.

2. Mose 30:2

Kre kau bob i paash metari lengsto un ninna jaake buchlo. Les hi star rigja, un kote, kai jon khetne wenna, well i kotar win un djal pre har i shing. O tselo bob hi jek metari baro.

2. Mose 31:8

i chapaskri un lauter, hoi pre hi, i sonakaskri momelengri un lauter, hoi pashel hi, o Debleskro sonakaskro bob, kai kutch sungepaskro koowa pre chatchedo wella,

2. Mose 35:15

ko bob, kai ko sungepaskro koowa chatchedo wella un leskre hidjepaskre kashta; ko makepaskro djet; ko kutch sungepaskro koowa; koi plachta an o khereskro wudar;

2. Mose 39:38

ko sonakaskro bob, kai o sungepaskro koowa chatchedo wella; ko makepaskro djet; ko sungepaskro koowa, hoi chatchedo well; koi bari plachta glan o khereskro wudar;

2. Mose 40:5

Glan o mochton, kai o Debleskre deesh laba dren hi, tchip o sonakaskro bob, kai sungepaskro koowa chatchedo wella! Un an o wudar pande koi bari plachta pre!

Ezekiel 41:22

Koi his tchomone tardo, hoi win dikas har i kashteno altaro. Kowa his 1,50 (jek-te-paash) metari baro, un jek metari lengsto un jek metari buchlo. Un leskre ekke, leskro piro un leskre rigja his dran kasht kerdo. Un ko mursh penas ap mande: Kawa hi koi chapaskri, hoi glan o baro Debleste tardo hi!

3. Mose 4:18

Ninna makell lo ko ratestar ap i shinga, hoi ap i star ekke o bobestar hi, kai o sungepaskro koowa chatchedo well. Ko bob hi tardo glan o baro Debleste an leskro plachteno kheer. O tselo wawar rat tchorell lo win tella pash koi chatchepaskri, kai i vieche chatchedo wenna. Koi chatchepaskri hi tardo win glan o wudar o Debleskro plachteno kherestar.

3. Mose 4:7

Ninna makell lo ko ratestar ap i shinga, hoi ap i star ekke o bobestar hi, kai o sungepaskro koowa chatchedo well. Ko bob hi tardo an o Debleskro plachteno kheer. O tselo wawar rat tchorell lo win tella pash koi chatchepaskri, kai i vieche chatchedo wenna. Koi chatchepaskri hi tardo win glan o wudar o Debleskro plachteno kherestar.

4. Mose 3:31

Un jon hunte denn garda ap ko sonakaskro mochton, koi chapaskri, koi momelengri, o Debleskro sonakaskro bob un o Debleskri sasterni chatchepaskri, kai vieche chatchede wenna. Ninna denn le garda ap i tselo Debleskro koowa an leskro kheer, koleha jon budrenna, ninna ap koi plachta mank kol dui iseme un ap halauter, hoi koi pashel hi.

4. Mose 4:11

Ninna hunte tchiwenn le i blaueti plachta pral o sonakaskro bob, un koi pral i latchi ledertikri plachta. Palle tchiwenn le i hidjepaskre kashta an i gustria ap o bob.

Hebrearja 9:4

An i palstuni isema his o sonakaskro bob tardo, kai kutch gudlo kasht pral pre chatchedo was, hoi mishto sungella. Koi his ninna o sonakaskro mochton. An leste his o sonakaskro khoro, kai his ko maro dren tchiddo, hoi Manna kharella. An ko mochton his ninna o Aroneskro kasht, hoi senelo was, ninna kol dui tchinle barra. Ap kolende his i deesh Debleskre laba tchinlo, hoi o Dewel peskre menshentsa win kras.

Debleskro tsiro 8:3

Un i wawar bolepaskro was, un djas pash o Debleskri chatchepaskri. Les his i sonakaskro tcharo an o wast, an koleste gudlo kasht chatchedo wella, hoi mishto sungella. Un ko bolepaskro las bud gudlo kasht, te chatchrell lo les ap o Debleskro sonakaskro bob, hoi glan o Debleskro beshepaskro tardo hi, te well o latcho sungepen khetne o mangepah, hoi o Debleskre tchawe o Deblestar mangan.